Велика Копаня — село в бывшом Виноградовском районѣ (од року 2020 — в Береговском) Закарпатской области Украины, центер сельской рады.Тронько П. Г., с. 243
Административа Мѣстна администрация Великокопанська сільська рада 90330, Закарпатська обл., Виноградівський р-н, с. Велика Копаня, вул. Шевченка, 5 тел. 03143 3-56-42 До сельской рады административно належить тыж Мала Копаня.
Од року 2020 входить до Виноградовской громады.
Полога Село розложене на правом березѣ Тисы о 12 км на сѣверовосток од районного центра, на восточной околици села лежить желѣзнична заставка Велика Копаняhttps://railwayz.info/photolines/photo/7528 линии Батьово–Солотвино.https://railwayz.info/photolines/station/2297
История Перва упоминка о селѣ в историчных документах походить з року 1430.
В року 1910 в селѣ зраховали 1922 обывательох, векшинов Русинох, а тыж была значна нѣмецка меншина; до Трианона село належало Тисянскому округу, Tiszáninneni járás, жупы Угоча.A történelmi Magyarország
В року 1930 в селѣ заевидовали 2467 обывательох, з них были: 2186 Русины, 248 Евреи, 14 Мадяре, 14 Чехы и Словаци, 5 — чужоземцѣ. До грекокатолицкой громады входив 2141 вѣрник, а мала она муровану церкву од року 1853. В селѣ была русинска школа (6 клас) и чешска (2 класы), нотарскый уряд, пошта, жандарска станиця, ходив державный автобус. Селяне ся занимали кошаркарством, ай были сталы курзы, де ся тото майстерство мож было научити.Достал Я., с. 213.
В добѣ УССР в селѣ было мясо-молочне, овоцинарске и виноробне земледѣлске дружство, котрому належали земель, 700 голов маргы, 17 тракторы, 9 терьховых авт. Велика Копаня мала середню школу, двѣ библиотекы, културный дом, болницю и амбулаторию, аптеку, пошту, 8 торговых точок. В той добѣ выставили 370 новых хыж.
Жерела и одказы A történelmi Magyarország atlasza és adattára 1914 Доступно онлайн Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Тронько П. и др. (ред.) Історія міст і сіл України. Том 7. Закарпатська область. К. 1969.
Референции
Катеґорія:Населены пункты Украины Катеґорія:Населены пункты Закарпатской области