Иван Зейкан, Zékány János, Иван Алексеевич Зейкан, , Карачин, жупа Угоча, Мадярске кральовство – , тыж там — вызнамный подкарпатскый просвѣтитель, первый зоз подкарпатскых Русинох, котры реализовали свои таланты в России.Михайло АлмашійПавленко Г. В.Иван ПопІван Поп
Школы и дипломатична служба Середне образованя достав в Сату Маре, затым учив ся во Львовѣ, а высшы школы абсолвовав в Регенсбургу, Празѣ и Вѣдню. В року 1697 понукнув свои службы яко товмач Великому посолству России, котре в той добѣ путовало по Европѣ, и быв приятый. При посолствѣ быв участником Карловицкого конгреса (1698–1699) и подготовкы мирного договора 1699. В конци януара 1699 Зейкан достав платню за свои службы, путовный лист од Прокопия Возницина, амбасадора, и быв накурто одпущеный зо службы “про властны потребы дома”, одкы ся вернув на службу до Москвы.Видатні закарпатці: Зейкан Іван Олексійович
Педагогична служба В рокох 1708–1721 царь Петро І. бизовав на Зейкана воспитаня своих любых уйчаникох Ивана и Александра Нарышкиных. Их отець, Лев Кирилович Нарышкин, уйко царя, в роках 1697–1699 быв на челѣ тогдышного Посолского уряду, што одповѣдало позднѣйшому Министерству загранича, до котрой то службы належав и Зейкан, як дипломатичный товмач. Через цѣлы 13 рокы Зейкан допроводжовав братох в их штудийном путованю по Европѣ (Британия, Нидерланды, Франция, Испания, Венецка република).Василь Пагиря Нарышкины досягли значны успѣхы, здобыли знаня войсково-морской техникы и лодярства. Вернувши дому, они заняли важны посты, а Зейкан затримав велми тѣсны взаимины зо своима воспитаниками. В року 1724 по воли Петра І. Иван Зейкан быв змушеный против властной дякы стати ся головным наставником його сѣмрочного внука, будучого императора Петра II. (1727–1730). По смерти Петра І. (1725) на трон сѣла його вдова Катарина I. (1725–1727), головным наставником наслѣдника трона став ся гроф Остерман, але Зейкан зостав едным з учительох.
Интригы и депортация По смерти Катарины I. (май 1727) на трон сѣв 11-рочный воспитаник Зейкана, але фактичну владу через малолѣтство императора справовав гроф Меншиков. В резултатѣ придворных интриг Зейкан зостав арештованый и депортованый до Мадярщины. Неодовго по тому веце разы и Остерман, и Меншиков, и сам Петро II. просили Зейкана и австрийску владу, жебы ся вернув до Москвы. Але спочатку тото не приимав знеохоченый Зейкан, а в року 1738, коли ся наконець наважив, не пустила го австрийска влада. В зачатку юна 1739 Иван Зейкан умер.
Жерела и одказы Михайло Алмашій: Русинська педагогічна енциклопедія — Ужгород: Карпатська Вежа, 2005. — 304 с. Сс. 106–107. Павленко Г. В.: Зейкан Іван Олексійович //Павленко Г.В. Діячі історії, науки і культури Закарпаття. Малий енциклопедичний словник. Ужгород, 1999. Сс. 100–101. Василь Пагиря: Я світ узрів під Бескидом. Сторінки історії — Ужгород: Карпати, 1993 — 227 с. Сс. 29–31. Иван Поп: Энциклопедия Подкарпатской Руси — Ужгород: Изд-во В.Падяка, 2001. — 431 с. С. 181. Іван Поп: Зейкан Іван // С. 243.
Референции
Катеґорія:Дипломаты Катеґорія:Педаґоґы