Пресвѣтла република Венецка, Serenissima Repubblica di Venezia — од рока 697 по 1797 република в Европѣ зоз главным городом Венеция. Република з выбераным пановником, котрый ся называв дожа, екзистовала тысяч и сто рокы и была вызнамным економичным и торговым центром Середоморя.ЭНЦИКЛОПЕДИЯ Всемирная история
История
Город Венецию основали в року 421, по падѣ Римской империи племена Венетох, котры жили на островах и занимали ся рыболовом и добываньом соли. Спочатку была частьов Остготского кральовства, а од року 555 — Византии. Од конця VII. стороча — република, на челѣ котрой стояв дожа, выбераный мѣстныма панами и схвальованый екзархом Равенны. Од року 840 подля догоды меджи Византиев и Франками Венецка република достала самостойность и поступно стала ся великым пунктом транзитной торговли меджи Выходом и Западом, зачала бити властны стрѣберны дукаты. Од XI. стороча зачала росширяти свои територии. В XI. – XII. сторочах стала ся силнов морсков державов, влада дожы была ограничена Радов мудрых, котру выберали патриции. Од року 1310 зачали выберати екзекучный орган (суд) — Раду десятьох. Република ся перетворила на олигархичну, де влада была в руках 200–300 родин. Найвекшой проспериты досягла в XIV. – XV. сторочах. По заятю Турками Константинополя (1453) и великих географичных объявлѣнях утратила вызнам про меджинародну торговлю и зачала упадати. В року 1797 завойована Наполеоном и перестала екзистовати як самостойный штат, а стала ся частьов Австрии.
Иредентизм Од року 2010 ся указуе рух в италиянском регионѣ Венето, котрый голосить за свою цѣль зысканя независимости бывшых територий Венецкой републикы путьом демократичных выберанок. Але тот рух посямѣст маргиналный и не мать шансы на успѣх.
Жерела и одказы
Референции
Категория:Бывшы штаты Катеґорія:Штаты і теріторії, котры основаны 697 Катеґорія:Штаты і теріторії, котры заникли 1797 Категория:Середновік Катеґорія:История Италии