Русинска гимназия в Пряшовѣ — общеобразовне училище, котре взникло в року 1936 в резултатѣ Меморандума восьмох русинскых организаций о потребѣ заложѣня руской гимназии, адресованого головѣ чехословацкой влады Миланови Годжови.
Взник На основѣ Меморандума з дня 1. марца 1936, што быв выголошеный з инициативы „Общества руской молодежи‟ и „Союзу руских учителей‟, Министерство школства Чехословацкой републикы в Празѣ 27. апрѣля 1936 схвалило проект заложѣня гимназии про Русинох в Пряшовском регионѣ. Публичны школы в том часѣ могли зрядити лем штат, окрес або Церковь. Штат але уж од 20. рокох XX. ст. неперестанно быв проти такой потребы Русинох, а окрес не приходив до увагы. Выбор на заложѣня гимназии пожадав , жебы зряджовательом стала ся грекокатолицка епархия в Пряшовѣ, што Гойдич из радостьов прияв. В писмѣ, котре адресовав , ся окрем иншого пише:А. З.Rusínske kalendárium
Фунгованя Так взникла грекокатолицка реална гимназия в Пряшовѣ од школного року 1936/1937. Учебным языком ся став «карпаторускый язык». Первым ей директором быв Николай Бобак а од половины мая 1945 аж до року 1953 — Алексей Фаринич. В заложѣню гимназии найвекшу заслугу мали: епископ Гойдич, адвокат Иван Пьещак, дохторы Дионизий Ройкович и Павел Дубай. По опубликованю вызвы в русинской пресѣ на подпору гимназии на конто гимназии за первы два тыжднѣ пришло 20 тысяч корун, а в ходѣ далшых тыждньох заслугов зберок, спонзорох, родичох, интелигенции, подникательох, ролникох и сел ся сума финанчной помочи веце як подвоила, и концьом рока на контѣ уж было 50 тысяч корун. Штат зачав часточно подпоровати школу од школного року 1942/1943. По розпадѣ Чехословацкой републикы в року 1939 ся гимназия достала до великой немилости штату, епископ Гойдич але двѣ класы умѣстнив до свойой резиденции, а далшы двѣ до найомного дому. Од школного року 1939/1940 ся назва школы змѣнила на Грекокатолицку руску гимназию. Руска гимназия в Пряшовѣ была перва гимназия в истории Русинох в Пряшовском краю, успѣшно фунговала повных 17 рокы, выховала многых абсолвентох, котры ся успѣшно запоили до жывота сполочности.
Далша история По войнѣ школа была переменована на Штатну русску гимназию. В року 1953 в рамках реформы чехословацкого школства школа заникла, а ей послѣдны класы были припоены ку еденадцятьрочной середньой школѣ з учебным языком словацкым на Конштантиновой улици, але рускый язык в тых класах быв змѣненый на украинскый, но дакотры предметы ся учили и дале по рускы. Од року 1956 з украинского оддѣлѣня той школы была вытворена самостатна еденадцятьрочна середня школа з учебным языком украинскым, позднѣйше перетворена на украинску Гимназию Тараса Г. Шевченка.
Интересны факты В року 1936 гимназия ся мѣстила в будовѣ грекокатолицкого сиротинця, а на вступны бесѣды первого рочника ся приголосили 80 молодых людей, з котрых были прияты 48.Ľubomír Hudačko Аж в року 1942 вшиткы рочникы перешли до епархиалной будовы в центрѣ мѣста (ул. Яркова). Повны 8 клас были набраны в року 1943, коли на гимназии штудовали 330 штуденты, а того року гимназию закончили первы 47 абсолвенты. В року 2004 в Пряшовѣ обродила ся Грекокатолицка гимназия Павла Петра Гойдича, котра ся голосить за наступницю попередной, з року 1936.
Жерела и одказы
Референции
Категория:Образованя в Чехословакии