Генрик Сенкевич, Henryk_Sienkiewicz, *5. май 1846, Воля Окшейска, Кральовство Польске конгресове — †15. новембер 1916, Веве, Швайц, в року 1924 погребеный в Варшавѣ — польский писатель, автор историчных романох, Нобелов лавреат з литературы року 1905.Д. Шимоник
Биография Походив зо схудобнѣлого шляхтичского роду. Маеток Воля Окшейска (днешне село в Люблинском воеводствѣ) належав бабѣ писателя. Але родина стратила вшитко и переселила ся до Варшавы.Krzyzanowski, Jerzy R. Учив ся на медицинской, пак историко-филологичной факултѣ Главной школы (1866–1870, од року 1869 Варшавска универзита), але в року 1871 лишив штудии и оддав ся новинарской роботѣ. Дебютовав в року 1869 з литературнов и театралнов критиков, часто под псевдонимами. Его первый роман Na marne (Опусто) появив ся в року1872, а перве повѣданя Stary sługa —в року 1875.
В роках 1876–1878 путовав по США, в далшых роках — по Европѣ и его корешпонденции и литературны публикации принесли му велику славу. В року 1900, ку 30-рочу его литературной карьеры польскый народ подаровав му невеликый статок Обленгорек около Келц.
Творба Найвекшой знамости достав своима патриотично-патетичныма историчныма романами, главнѣ, трилогиев Ogniem i mieczem, 1883–1884, за повстаня Богдана Хмелницкого; Potop, 1886, за шведску интервенцию до Польщи; Pan Wołodyjowski, 1887–1888, за одпертя турецкой агресии в Польщи; а тыж романами Krzyżacy, 1897–1900, за одпор Польщи Тевтонскому ордену и Грюнвалдской битцѣ року 1410; Quo vadis? (Де идеш?), 1896, за первых христиан в старовѣком Римѣ. Хоть векшину романох Сенкевича критикують за их театралность и недостаток историчной точности, они люблять ся читателям за велику артистичность выкладу и живы образы главных постав.
Интересны факты Генрик Сенкевич зоставать найвеце выдаваным в Польщи автором краснописемства: в роках 1944—2004 му вышли 868 выдань сумарным накладом . Портрет Сенкевича быв умѣщеный на банковцѣ з року 1990.
Жерела и одказы
Референции
Катеґорія:Польскы писателе Катеґорія:Нобеловы лавреаты з литературы