Натурализм, од natura природа — творча манѣра в литературѣ, про яку призначне фактографичне зображѣня реалности, трактованя людского справованя и чинох за резултат вплыва биологичной природы чоловѣка, генетичных чинникох и социалного окружѣня.Білоус П., с. 323

Взник и постулаты Натурализм взникнув в послѣдной третинѣ XIX. стороча в добѣ великых успѣхох природных наук: експерименталной физиологии (К. Бернар "Вступ до експериментальной медицины"). теории биологичного боя за живобытя Чарлза Дарвина, кус дале — объявлѣнь в сферѣ генетикы. Термин натурализм приносить Емил Зола (1840–1902) в книзѣ "Експерименталный роман" (1880), котрый мож поважовати за своефайтовый манифест того напряму. Основны постулаты выклав Зола ещи в року 1867 во вступѣ до свого «научного роману» Тереза Ракен: литература мать давати вылучно точне, приближене ку науцѣ зображѣня живота. На роздѣл од минулого романтизма, котрый ся усиловав выволати емоции, ту мать быти чисто научна фиксация фактох як «дарабчика реалности»; на роздѣл од сучасного реализма, котрый ся усилуе правдиво указати живот и выявити смысел животных явох и вплыв сполоченскых и социалных условий, писатель-натуралиста не мать «як Балзак, рѣшати, якым бы мав быти лад людского живота, быти филозофом, политиком, моралистом...». Ещи май курто тот постулат сформуловав Флобер: «велике умѣня мать быти научне и неособне».Волков А., Нефьодов М.

Нееднозначность дефиниции Ни меджи авторами, прихыленыма ку тому напряму, ни меджи критиками не было едностайного вниманя натурализма. Иван Франко, котрый сам быв автором натуралистичных бориславскых повѣдань,«Борислав. Картини з життя підгірського люду», 1877 во своих литературно-критичных штудиях натурализма«Еміль Золя, його життя і писання», 1898; «Влада землі у сучасному романі», 1891 идр. хоснуе понятя «научный реализм». Ни Франко, ни Михайло Драгоманов не розличовали натурализм од реализма.Ковалів Ю. І. В России натурализм як сформована школа не ествовав, але была сородна му «натурална школа», характерна своима «физиологичныма начерками». В националных литературах натурализм нееднако и не в еден час вызначив свои приоритеты.Толмачёв В. М.

Критика и заник Леся Украинка, выхосновавши даякы поступы натурализма,В драмѣ «Блакитна троянда» нарѣкала, же за илузорнов правдов факту натуралисты не видять умѣлецко уцѣлену правду, суть ограничены лем на «гледаня фактичной правды». Таку позицию занимали и марксисты, котрым хыбила социална и сполоченска зложка в натуралистичной «правдѣ», зашто критик Дьердь Лукач«К истории реализма» (М., 1939) видѣв в натурализмѣ показеный класичный реализм. Демократичны симпатии, призначны про натурализм, встрѣтили ненависть од владных версти, котры, оправдуючи буржоазне сполоченство од инвектив, заваленых на него писателями-натуралистами, обвинили натурализм з неморалности, несмыселного дробного бытописательства, з милованя ся низкыма физиологичныма подробностями и подобне.Авессаломова Г. С., Пульхритудова Е. М. Опонентами натурализма были авторы католицкой и православной ориентации, значна часть романтикох, символистох и модернистох, одмѣтуючих вшитко «натуралне».

Во Франции ку рокам натурализм вычерпав свой потенциал, але инде перешов ещи як часть културы до XX. стороча. По характеру оддѣяня на читателя натурализм инклинуе ку документалному, шоковому, гипнотичному оддѣяню — циже ку тому, што в роках стало ся переважнов сферов кинематографа.

Вызнам Натурализм збогатив реалистичне (в широком смыслѣ слова) умѣня, роскрыв идею панованя материалного окружѣня над чоловѣком, его духовным подобов, освоив новы пласты реалности, перед тым ним нерушаны темы, указав условия ествованя збѣдованого люда; выявив подсвѣдомы мотивы справованя ся, окреме в сферѣ интимной; представив новы яркы образы и поставы, выпрацовав новы методы и средства умѣлецкого зображѣня живота.

См. тыж Натурална школа Реализм

Жерела и одказы Авессаломова Г. С., Пульхритудова Е. М.: Натурализм // Краткая литературная энциклопедия / Гл. ред. А. А. Сурков. Т. 5: Мурари — Припев. — М.: Сов. энцикл., 1968 — Стб. 129—135. Доступно online Білоус П.: Термінологічний словник. //Білоус П. В.: Вступ до літературознавства: навч. посіб. — Київ: ВЦ «Академія», 2011. — 336 с. — — сс. 316-330. Волков А., Нефьодов М.: Натуралізм //Лексикон загального та порівняльного літературознавства. — Чернівці: Золоті літаври, 2001 — 636 с. Ковалів Ю. І. (авт.-уклад.): Натуралізм //Літературознавча енциклопедія / y двох томах / — К: ВЦ «Академія», 2007. (Енциклопедія ерудита). Том 2 — 624 с.

Референции

Катеґорія:Литературны термины Катеґорія:Умелецькы напрямы