Янош Чонка, Csonka János, *22. януар 1852, Сегед – †27. октобер 1939, Будапешт — мадярскый инженер и вынаходник карбуратора (в сполуавторствѣ з Донатом Банки), котрый запатентовали 11. фебруара 1893.hungarianhistory.comHidvégi JánosMTA Központi Fizikai Kutatóintézet
Биография Янош Чонка быв наймолодшым сыном познатого в Сегедѣ ковача Винцента Чонкы (Tsonka Vince), котрый во своей майстерни выробляв вшелиякы направы з метала: од обладунку про млины до дохторскых серсам. В родинѣ Винцента Чонкы ай Илоны Добов (Dobó Ilona) было семеро дѣти. Закончивши школу в Сегедѣ и освоивши отцьово ремесло, Янош Чонка побрав ся на штудийну дорогу до Австрии, Швайцу, Франции, и Споеного кральовства по великых фабриках точной механикы и моторового промысла. По вернутю, ещи лем 25-рочный, став ся ведучым майстернѣ при Будапештской технологичной универзитѣ, де ся конштруовали, выробляли и продавали розличны експерименталны машины, и едночасно ся учили штуденты, будучы инженеры. Янош Чонка сполупрацовав з професором универзиты Донатом Банки, дипломованым инженером и вынаходником. Ведучым универзитной майстерни быв до року 1925, коли пензионовав. Уже яко пензиста отворив автомайстерню, што пак выростла на Машинарску фабрику Чонка (Csonka Gépgyár), котра вдякы своей якостной продукции успѣшно фунговала и в часѣ кризы , а в року 1948 была знароднена и достала назву Фабрика малых моторох и машин (Kismotor és Gépgyár).Kenyeres Ágnes
Конштрукции и вынаходы Моторы 1877 — зладив первый мадярской выробы мотор на газ 1884 — первый мотор на газ и нафту (петролей), познатый як Чонков мотор 1890 — бензиновый мотор, познатый як мотор Чонкы-Банки
Карбуратор 1893 — в парѣ з Банки запатентовали карбуратор, котрый и доднесь хоснують на бензиновых автах в цѣлом свѣтѣ
Транспорт 1893 — въедно з Банки зготовили первы мадярскы моторку, моторовый човен и газовый клепач 1900 — поштовый моторовый трицикел, з котрых 21 успѣшно поуживала пошта Будапешта з деннов ѣздов 1904 — поштове авто, котре служило поштѣ 25 рокы: было то перве мадярске авто, а по скушковой ѣздѣ () его выроба была ѣднана з двома фабриками 1909 — особне едновалцьове авто з выконом и кардановым погоном, котрый ещи дотогды в Мадярщинѣ не знали
Жерела и одказы
Референции
Категория:Вынаходници Категория:Инженеры