Плоское, Плоске, до року 1945 Dombostelek — село в бывшом Свалявском районѣ Закарпатской области Украины, центер сельской рады.Тронько П., с. 565.
Полога Село лежить о на сѣвер од Свалявы.
История Перва исторична документована споминка о селѣ под тогдышнов назвов Ploszkó датована роком 1597. Сучасна мадярска назва Dombostelek присвоена в року 1889.
При списованю в року 1910 село Dombostelek зазначене як чисто русинске зоз 585 обывателями, найблизша пошта и телеграф тогды были в Полянѣ.Révai nagy lexikona
В року 1930 подля чехословацкого списованя в селѣ Ploské (Dombostelek) заевидованы 822 обывателе, а то: 689 Русины, 28 Евреи, 18 Мадяре, 10 Чехы и Словаци, 1 неозначеной народности и 76 чужоземцѣ. В селѣ была русинска школа (3 класы). Грекокатолицка громада числила 757 вѣрникы и мала муровану церкву Покровы Пр. Богородицѣ од року 1928.Достал, Я., с. 189.
В року 1944 около села дѣяли партизаны За помоч партизанам были розстрѣляны 7 селян, а 14 высланы на примусову роботу до Третього Райха. Село выслободжене 24. октобра 1944 Червенов армадов, и одтогды ся пише украинскый период его истории. В селѣ отворили середню школу, библиотеку и клуб. Плосковской сельской радѣ были подряджены села Оленьово, Павлово, Плоскый Поток, Яковское.
Вызнамны родаци Александер Митрак (1837–1913), русинскый будитель, священик, писатель, поет, фолклориста и етнограф, лексикограф.
Жерела и одказы Révai nagy lexikona 5. köt., 671. old. Révai Testvérek Irodalmi Intézet Részvénytársaság, Budapest. 1912
Тронько П. и др. (ред.) Історія міст і сіл України. Том 7. Закарпатська область. К. 1969
Референции
Катеґорія:Населены пункты Закарпатской области Катеґорія:Населены пункты Украины Катеґорія:Села Україны