Константин Паустовскый, Константи́н Гео́ргиевич Паусто́вский; , Москва, Россия – , Москва, СССР — русскый совѣтскый писатель и новинарь,Осовский О. Е. найлѣпше познатый своима повѣданями, котры принесли дореволучны традиции русского романтизму до литературы совѣтской добы.Encyclopedia Britannica
Биография Мав предкы меджи украинскыма козаками. Учив ся в Киевѣ, Санкт-Петербургу и Одессѣ. Перед тым, як зачав писати, робив на многых и вшелиякых роботах, ай ку тому вельо путовав, як по Совѣтской Унии, так и в заграничу.
В рокы Первой свѣтовой войны — санитар на санитарных потягах, пак выпробовав вельо професий на фабриках, в рыболовской артели идр. В домовой войнѣ 1917–1922 — новинарь в Киевѣ, Одессѣ, на Кавказѣ.
Первов публикациев было повѣданя На водѣ (1912), котре гимназист Паустовскый подав в алманах Огнѣ (Киев), и на его зачудованя было опубликоване.Олег Шилин
В роках 1945–1956 преподавав в Литературном инштитутѣ . В добѣ «помягку» активно ся ангажовав за регабилитацию репресованых писательох и заступав ся за политично гоненых особ; быв в числѣ ушорительох литературного либералного алманаха Тарусскы сторонкы (1961), котрый влада по публикации заказала.
В року 1963 в социологичной анкетѣ о найпопуларнѣйшом писателю Паустовскый быв первый, а за ним далеко заостав протекчный «партийный писатель» Михаил Шолохов. Не было в моци партии з тым нич зробити, а за то ся му помстили. В року 1965 коли уже быв вызначеный як лавреат Нобела, дипломатичныма интригами влада СССР домогла ся, жебы Нобеловскый комитет змѣнив свое рѣшѣня и дав награду Шолохову.
Творба В первых творах писателя мрѣи о далекых сторонах, путованях, встрѣчах и розлуках занимають головне мѣсто. З роками его проза значно ся мѣняеть, але писатель нигда ся не зрѣкать того общого ей колорита, через котрый называють тоту прозу романтичной.Чудакова М. О.
Писав романы, повѣсти, повѣданя, историчны и биографичны творы. Повѣсти Кара-Бугаз (1932) и Колхида (1934) принесли му широку знамость. В его творбѣ читатель находить лиричный погляд на природу и силный интерес ку людьом; его называють едным из найлѣпшых майстрох слова меджи писателями и рокох. Его главна робота Повѣсть о животѣ (1946–1963; подтитулок История едного живота) складена зоз шѣстьох книг, являть из себе циклус автобиографичных споминок.
В историчных и биографичных повѣстях Паустовскый не кладе собѣ задачу точной реконштрукции историчных фактох, главнѣ ся усилуе притягти читателя емоционално, знае заразити го чутьом родинства з минулостьов свойой земли, дояти го мужностьов и жертвеностьов геройох. Все веце пише о творчости, о людях умѣлства — малярях, музикантах, писателях: Орест Кипренский (1937), Исаак Левитан (1937), Тарас Шевченко (1939), Повѣсть о лѣсах (1949), Золота ружа (1956) — повѣсть о литературѣ, о «прекрасной сущности писательского труда», о цѣнности точно найденого слова. За тоту послѣдну од Польской Академии Наук заслужив награду ай быв номинованый на Нобла.
Автобиографична епопея Повѣсть о животѣ — доимаючый литературный документ живота России в зачатку XX. стороча. Книгы Паустовского перекладены многыма языками.
На честь Паустовского названа планетка (5269) Paustovskij (1978 SL6).
Жерела и одказы
Референции
Катеґорія:Російскы писателї Катеґорія:Русскоязычны писателе Катеґорія:Писателе СССР