Юлиан Кольесар, *15. юл 1927, Дюрдьов, Войводина, Кральовство Сербох, Хорватох и Словенцьох – †26. марец 1992, Монтреал, Канада — малярь, поет, етнограф русинской народностной ориентации.Paul Robert MagocsiВ. Попович
Биография Походив з родины Драгена и Меланы Кольесаровых. Род Кольесаровых занотованый в Дюрдьовѣ од зачатку русинского заселѣня в серединѣ XVIII. стороча. Юлиан Кольесар основну школу выштудовав в Дюрдьовѣ, пак ся в Новом Садѣ школовав за маляря во Школѣ ужиткового умѣня и закончив Высшу педагогичну школу (1949–1954). В року 1950 Юлианови и Верунѣ (родж. Гнип) ся уродили двойнята Ганча и Верунка, а одтогды про утриманя родины гледав заробкы в розличных мѣстах Югославии и в Белгии.Юлиян Д. М. Колєсар (1927–1992)
В року 1966 навсе охабив Югославию, жив даякы рокы в Парижу и США, де робив яко комерчный график (1969–1973), пак одышов до Монтреалу, де прожив звышок свого живота, присвятивши ся малярству и научной творчости.А. З.
Юлиан Кольесар умер в року 1992. в Канадѣ, де и похованый. В Дюрдьовѣ, в музею Руска одлога,Руска одлога основана експозиция его умѣня, выгледовацкых робот и зобраных ним етнографичных материалох. Рукописы его суть в Народном архивѣ Канады.
Творба Умѣня Ю. Кольесар поуживав розличны штилы и техникы, творив иконы в духу середньовѣкой иконографии, але тыж мальовав неорелистичны, експресионистичны, кубистичны и абстрактны полотна. Его творы суть близкы тематицѣ живота войводинскых Русинох, часто суть фаребнов реминисценциов из фоклористичного умѣня. Мав персоналны выставкы в Ню-Йорку (1970–71), Филаделфии (1970, 1972), Чикагу (1972), Детройтѣ а Торонту (обѣ – 1973). История, етнография Ю. Кольесар заложив властне выдавательство и выдавав свои выгледованя з истории, историографии, етнографии, умѣня войводинскых Русинох, котры высылав розличным научным инштитуциям. Быв автором понад стовкы такых робот.А. З.
Но лем една з них нашла путь ку ширшому читательству, коли была перевыдана через 23 рокы по написаню: История руского народного мена, НВУ "Руске слово", Нови Сад, 1996. Причина в том, же автор в Югославии, а так и в ширшом научном свѣтѣ, быв persona non grata, а влада зробила вшитко, жебы го публично не споминали, а о его роботах не знали.Любомир Медєши
Ку тому не вызнавав правопис Гавриила Костельника, котрый долноземскы Русины хоснують скоро 100 рокы, а писав «повным фонетичным» правописом Яши Бакова, так же ку иншому ся додавало, же его писаня было тяжко читати. Так было легко створити му репутацию галабурдника, з котрым не варто мати дѣло.
Вызнам Творы, написаны Ю. Кольесаром, суть переважно полемичного характеру. Окремо критично выступать проти украиноориентованой части войводинскых русинскых писательох и лингвистох, доказуючи, же его родный народ — часть окремого карпаторусинского народу.А. З.
Кликав Русинох Сербии, най ся моцнѣйше повязують з Русинами на Карпатох. Свѣдомо, ци несвѣдомо, быв меджи первыма, котры предвидѣли карпаторусинскый рух 1990-х. Зато его творба драгоцѣнна про объективнѣйше розумѣня русинского народностно-културного руху.
Жерела и одказы
А. З.:15. 7. 2022: Припоминаме собі 95 років од народжіня і 30 років од смерти ЮЛІАНА КОЛЄСАРА
Референции
Катеґорія:Русиньскы поеты Катеґорія:Русиньскы малярї Катеґорія:Монтреал Катеґорія:Персоналии 20. стороча Катеґорія:Персоналии:Канада