Йосиф Хромяк, *17. юна 1887, Легнава, жупа Шариш, Австро-Мадярщина – †26. марца 1937, Мукачово, Подкарпатска Русь, Чехословакия — педагог, културный и политичный дѣятель.Михайло АлмашійИван ПопФедір Ковач
Йосиф Хромяк закончив духовну семинарию в Пряшовѣ, в Будапештѣ склав квалификачный испыт на званя професора середных школ. Быв професором на грекокатолицкой духовной семинарии в Пряшовѣ (1914–1918), де выучовав церковнославянскый язык, церковный и свѣтскый спѣв, церковный обряд.
По роспадѣ Австро-Мадярщины активно ся зучастнив на створѣню и роботѣ Руськой Народной Рады в Старой Любовни. Коли выслѣдком саботажа мадярскых урядникох и учительох в Подкарпатской Руси по ей прилучѣню ку Чехословакии в краю настав острый недостаток педагогох, Йосифа Xромяка влада Чехословакии поклала директором Мукачовской русской гимназии (1919–1937). Хромяк на роботу до гимназии закликав вельо педагогох з числа российскых емигрантох, в минулости универзитных професорох.
Быв тыж закладательом Мукачовской учительской семинарии, де довгы рокы выучовав логику. Быв добрым организатором позашколной роботы, самообразовных кружкох (научных, музичных, шпортовых). З обох тых школ вышло вельо вызнамных педагогох, сполоченскых дѣятельох, литераторох, диригентох. Быв меджи организаторами и ведучыма «Учительского товарищества». Честный доживотный член «Общества им. Александра Духновича»
Жерела и одказы
Федір Ковач: Хром'як Йосиф // С. 364
Референции
Катеґорія:Русиньскы педаґоґы