Милош Крно Miloš Krno, *25. юн 1922, Братислава – †21. юн 2007) — словацкый писатель, перекладатель, новинарь, сценариста.Teraz.sk, 25. júla 2012
Биография Дѣточы рокы пережив в Нѣмецкой Люпчи,Од року 1946 Партизанска Люпча одкы пак взяв собѣ дакотры псевдонимы. Абсолвовав гимназию в Кежмарку (1933–1944) и правницку факулту универзиты Коменского в Братиславѣ (1941–1946). В року 1945 — новинарь в Кошицях и Братиславѣ, 1946 — працовник министерства загранича в Празѣ, 1946–1953 первый секретарь чехословацкой амбасады в Москвѣ, 1954–1959 новинарь, 1959–1963 секретарь Союзу словацкых писательох, едночасно в роках 1954–1964 посланець Словацкой Народной Рады, 1963–1968 писатель на вольной нозѣ, 1969–1971 шефредактор часопису Obzor socializmu, 1971–1978 драматург и сценариста Словацкого филму, од року 1978 жив на пензии в Братиславѣ. Творба Автор понад 30 книг. Еден з главных представительох словацкого социалистичного реализма.
Дебутовав надреалистичнов поетичнов зберьков Šialené predstavenie (1944). В прозовых творах найвеце писав о добѣ Другой свѣтовой войны. Написав двѣ романовы трилогии, окремы романы и повѣданя. Вельо его книжок суть написаны дѣтьом и молодежи ай о проблематицѣ охраны природы. Послѣдня книжка Ak je na zemi raj (2002) — споминкы и есеи о Грузии. Его творы перекладены до 11 языкох, а он сам перекладав поезию и прозу русскых, нѣмецкых, грузинскых и арменскых авторох.
Жерела и одказы
Референции
Катеґорія:Словацкы писателе