Калифорния, California, — еден зо штатох США, положеных на западѣ США. Калифорния вошла до США яко 31. штат 9. септембра 1850. Главный город Сакраменто.McNamee, Gregory Lewis and Morgan, Neil
Найвекшый штат подля числа обывательства и третий найвекшый подля плохы, простертый на около 1300 км вздовж берега океана и на 400 км в глубину континента.
География Калифорния межуе з америцкым штатом Орегон на сѣверѣ, штатами Невада и Аризона на выходѣ, Мексиком на югу и Тихым океаном на западѣ. Калифорния — краина огромлюючых климатичных контрастох: од слотавого сѣверного берега океана (4300 мм рочны выпады) до выпаленой пустыни Колорадо на югу, од подобного на Середоморя централного и южного берега до вулканичного плато на крайном сѣверо-выходѣ.
Обывательство Автохтоны Калифорнии, Индиане, в року 1880 зоставали лем в числѣ около 15 тысяч, лем десятина од их доколумбовой популации. Але од XX. стороча охранна политика и приселѣня з иншых штатох привели ку тому, же в зачатку XXI. стороча Калифорния стала ся штатом з найвекшов индиансков популациов, звекша урбанизованов. Динамика расового зложѣня, 1970–2010 Раса/походжѣня 1970 1990 2000 2010 Бѣлы 89.0% 69.0% 59.5% 57.6% Азийцѣ 2.8% 9.6% 10.9% 13.0% Афроамеричане 7.0% 7.4% 6.7% 6.2% Индиане 0.5% 0.8% 1.0% 1.0% Тихоокеанскы островане – – 0.3% 0.4% Иншы 0.7% 13.2% 21.6% 21.9%
Економика Калифорния — економично найсилнѣйшый штат США и поступать ся лем дакотрым промыслово розвитым державам свѣта. В року 1965 Калифорния вытѣснила Ню Йорк як найвекшый експортер промысловых товарох. Од конця Калифорния стала ся свѣтовым лидром выробы компютерох и електроникы. Калифорния зоставать ведучов в аерокосмичном промыслѣ (хоть од видко упадок), в кино- и телеиндустрии, а тыж в земледѣлствѣ и винарствѣ.
Интересны факты И найвысша, и найнизша точкы в 48 штатох монолитной територии США меджи Канадов и Мексиком суть в штатѣ Калифорния: Mount Whitney (4418 м) Долина Смерти (Death Valley, -86 м)
Жерела и одказы
Референции
Категория:Штаты США