А́нтон Бе́рнолак Anton Bernolák; *3. октобер 1762, Сланица, Мадярске кральовство – †15. януар 1813, Новы Замкы), Мадярске кральовство — словацкый языкознатель, католицкый священик.Révai nagy lexikona Автор первой кодификации словацкого языка.
Кодификатор языка В Трнавской и Прешпуркской семинариях активно ся занимав славянскыма языками. Там ся му родила идея литературного словацкого языка, котру высловив в роботѣ Dissertatio-critica de literis Slavorum (Критичны розважаня о славянскых языках, Прешпурк, 1787) и вывинув в книзѣ Gramatica Slavica (Словацка граматика, Прешпурк, 1790).
Главне усилованя Бернолаковых граматичных робот было указати розлуку словацкого языка од чешского, а в словнику вышмарити вшиткы слова, позычены зоз чешского ци польского, и намѣсто них вынайти мѣстны словацкы, най и новопридуманы подля правил словацкой граматикы. Пробы тоты вшак не мали успѣх, бо Бернолак лем поверхно прешудовав граматику славянских языкох, ай и зато, же он сам не знав практично тоты гвары, котры в теории поважовав за прояв чистого словацкого языка.Энциклопедический словарь Брокгауза и Ефрона
Бернолак не лем сам писав, але и створив в року 1793 в Трнавѣ «Učené slovenské tovarišstvo» и «Tovarišstvo literného umeňá», жебы розвивати язык и литературу, з филиалками по вшиткых словацкых бискупствах. Найвекшым послѣдовательом Бернолака быв поет Ян Голлы (Ján Hollý).
Тот вариант языка, званый бернолачтина (пак бернолаковщина), основаный на западнословацкых гварах, быв хоснованый до 1840-х рокох, коли зостав вытѣсненый сучасным вариантом Людовита Штура, основаным на середньословацкых гварах, котрый споив вшиткых Словакох.
З языкознательской творбы 1787 – Dissertatio-critica de literis Slavorum (Критичны розважаня о славянскых языках, анонимна колективна робота прешпуркскых семинаристох под проводом професора Бернолака) 1787 – Linguae slavicae per regnum Hungariae usitatae compendiosa simul et facilis orthographia (Курта, а разом и легка ортография, языкова приручка з новыма правописныма принципами) 1790 – Gramatica Slavica ad systema scholarum nationalium in ditionibus caesares-regiis introductum accommodata (Словацка граматика, перва граматика словацкого языка, Прешпурк); в року 1817 вышла и в нѣмецком перекладѣ 1791 – Etymológia vocum slavicarum (приручка о словотворбѣ, Трнава) 1825/1827 – Slowár Slowenskí, Česko-Laťinsko-Ňemecko-Uherskí (6-томовый словник, котрый мав быти нормативным, выдав го аж по Бернолаковой смерти каноник Юрай Палкович в Будинѣ)
Жерела и одказы
Референции
Катеґорія:Слависты Катеґорія:Лингвисты