Пол Корню́, ; *15. юн 1881, Лизйо, Нормандия, Франция – †6. юн 1944, тыж там — французскый механик и вынаходник; пионер авиации; первый во свѣтѣ пилот, што реализовав пилотованый вольный лет на геликоптерѣ, называном тогды «лѣтаючым бицикльом» 13. новембра 1907.Encyclopedia BritannicaNormandy Then and Now
Биография Пол Корню ся родив во днесь заниклой комунитѣ а мав 9 рокы, коли родина ся перенесла до недалекого Лизйо, де въедно з отцьом провадили торговлю и сервис Automobiles, Cycles and Motorcyles. А принагодно ремонтовали там ай шивчѣ машинкы. Отець скоро увидѣв, же Пол мать чудесный инженерскый талент: яко 14-рочный вынайшов термостат про инкубаторы, а до року 1907 мав зарегистрованы далшы вынаходы: моторбицикель, роторный мотор (въедно з отцьом), теплову годинку, трицикел и моторку на парный погон. Выпроектовав тыж мале авто з двома бензиновыма моторами а без ступньовкы. Але были добры вынаходникы, а слабы подузятникы, так же з того не мали жадный зыск, а родина ся поступно розростала, Пол быв старшый з 15 дѣтей. Найвекшый его успѣхом была конштрукция геликоптера, але не знав в том часѣ рѣшити проблему корманьованя, не достав финансованя и мусѣв ся того проекту лишити. Загынув в часѣ бомбардованя Лизйо въедно з иншыма членами родины при операции десантованя союзных войск в Нормадии.
Вынаходник геликоптера Од року 1903 два французскы меценашы, Ернест Аршдек и Анри Дойч, выголосили рочный конкурз Grand Prix d’Aviation на лѣпшу конштрукцию лѣтаючой машины, котра мала перелетѣти замкнутым колом довжкы 1 км. Награда была 50 тысяч франкы, што в днешной добѣ еквивалент 150 тысяч USD. Конштруктеры гектично ся взяли до роботы, але до року 1905 нико ся не приголосив до конкурзу.Leishman J. G., Jonson B.
Пол Корню спроектовав и выготовив модел геликоптера з мотором на двѣ коньскы силы и вагов , подобну на великого комара, и на чудо, тото фунговало. 4. октобра 1906, коли в Лизйо быв рочный ярмарок, Пол указав свой вынаход на дворѣ мѣстного коледжа. Малый геликоптер подскочив горѣ перед збудженыма позирачами и став ся сензациов. Город поддержав го финанчно, была выголошена зберька, и достав 12 тысяч франкы на збудованя векшого геликоптера, котрый бы мав понести едну особу. Его зготовлѣня забрало майже рок, але в конци августа геликоптер уже подлетѣв, без пасажера. На 13. новембра 1907, день пробы, геликоптер вызерав, як живый, доста было невеликого вѣтру, обы машинов заколысало туды-сюды, а Пол и брат му, Жак, усиловали ся, обы геликоптер не понесло через поле. Перва проба не удала ся. Далшый подув вѣтра нагнав ся на машину, Жак выпустив держаня, а Пол верг ся цѣлов вагов на ручкы, обы удержати геликоптер на земли, але на чудо, машина ся взнесла на еден метер и так зостала 20 секунд. Поль быв восторженый, свѣдкы одушевлены. То не быв елегантный лет, але то быв первый вертикалный штарт геликоптера з пасажером. Пол выграв того року награду Аршдека-Дойча. Одушевленый и финансованый имив ся правити далшый геликоптер, на два пасажеры, маючи надѣю выграти Grand Prix d’Aviation ай в року 1908. В марцу 1908 нова машина подняла Пола и Жака на около повдруга метры перед очима 200 свѣдкох. Але награду достав Анри Фарман, што на еропланѣ Voisin успѣшно перелетѣв километровым колом. Пол пробовав зыскати финанции на Свѣтовой выставцѣ 1908 в Парижу, але не успѣв. То значило конець проекта, бо мусѣв думати о животѣ родины.
Жерела и одказы
Референции
Катеґорія:Вынаходници