Придністро́вська Молда́вська Репу́бліка, ПМР (молд. Република Молдовеняскэ Нистрянэ, , ), колоквіално Придністро́вя (молд. Нистрения, , ) є непризнана держава у Восточнуй Европі. Она контролує булшину узького пантлика земли межи ріков Дністер тай молдавсько-украйинськым гатаром, и мало території на другому боці рікы. Майвеликым варошом и столицьов є Тірасполь. Територія Придністровя межинародно признана частьов Молдовы; офіціална назывка Молдавської републікы на територію — Адміністративно-територіалні єдиниці лівого берега Дністра ()Law No. 173 from 22 July 2005 "About main notes about special legal status of settlements of left bank of Dnestr (Transnistria)": Romanian , Russian вадь Лівый (берег) Дністра ().
Коріня політичної ситуації у реґіоні походит уд Молдавської Автономної Совєтської Соціалістичної Републікы, сформованої у 1924. році удну Украйинської ССР. Бігом Другої світової войны Совєтськый союз на території на тот момент уже неекзістувучої Молдавської АССР тай Бессарабії Румынського Корольства у 1940 сформовав Молдавську Совєтську Соціалістичну Републіку. У 1990. рокови, кой СССР ся розпадав, заклала ся Придністровська Молдавська Совєтська Републіка из надійов лишити ся у Совєтському союзі, аж Молдова ся скапчає з Румынійов авадь уборе собі независимость (што ся и стало у авґустови 1991). Недовго по тум у марцьови 1992. року ся зачав воєнный конфлікт межи ПМСР тай Молдовов, котрый ся кунчив перемирьом у юлійови того рока.
У договорі за перемиря была вытворена тристороння (Молдова, Росія, Придністровя) Ворошна контролна комісія, а на території розміщені миротворці трьох сторон, обы слідити за додержаньом перемиря. Хоть перемиря ся не нарушало, політичный статус території ся лишат нерішеным: Придністровя де факто незалежна напувпрезидентська републікаСтатя 55 Конституції Придністровської Молдавської републікы из свойим урядом, парламентом, армійов, поліційов, пощов, валутов тай реєстраційов моторув.Jos Boonstra, Senior Researcher, Democratisation Programme, FRIDE. Moldova, Transnistria and European Democracy Policies , 2007 Орґаны Придністровя установили свою конституцію, флаґ, державну гімну тай ерб. У 2005. рокови Молдова тай Украйина пудписали договор, подля котрого придністровські компанії, котрі хотят експортовати товары через украйинськый гатар мусят быти зареєстровані у молдавськых орґанах.European Union Border Assistance Mission to Moldova and Ukraine (EUBAM) , November 2007 Тот договор быв імплементованый по тому, як у 2005 стала платна Місія Европської унії из пригатарної помочи Молдові тай Украйині (). Кромі непризнаного придністровського громадянства булшина придністрян мавут молдавськоє громадянство,Der n-tv Atlas. Die Welt hinter den Nachrichten. Bertelsmann Lexicon Institute. 2008. page 31 айбо многі з них сут ищи російськыма, румынськыма вадь украйинськыма громадянами. Основні етнічні ґрупы у Придністровйови тото росіяне, молдаване, румыны тай украйинці.
Придністровя, як и Абхазія и Южна Осетія, є постсовєтськов зонов „замороженого конфлікта“.Vladimir Socor, , IASPS Policy Briefings, 1 March 2004 Сі три часточно признані вадь непризнані державы держат цімборські удношіня помежи собов тай формувут Сообщество за демократію тай права націй (Сообщество непризнаных держав).
У марцьови 2022. рока Парламентська асамблея Рады Европы прияла резолуцію, котра означує територію окупованов Російов.
Ник. щи
Молдова
Референції
Катеґорія:Країны Европы Катеґорія:Країны