Градец Кралове, Hradec Králové Königgrätz — город в Краловоградецком краю Чехии, на сутоку рѣк Лаба и Орлице,Encyclopedia BritannicaЭнциклопедический словарь Брокгауза и Ефрона з обывательством над 90 тысяч особ (2022). Административный центер Краловоградецкого края.
Полога Старый город лежить на невысокой пѣсковцьовой вышинцѣ меджи рѣками; новый город положеный на западном березѣ Лабы. Градец Кралове умѣщеный на перетинѣ старых торговых дорог од Балтицкого моря до рѣкы Дунай и од Прагы до Кракова в Польщи.
История Первый раз спомянутый яко княжа резиденция под роком 995. Достав права слободного кральовского города в року 1225 и быв змоцненый в XIV. ст. Назва означать «малый замок кральовой», а тот город доставала жена чешского краля на вѣно. В року 1300 то была Елжбета Рыкса, што ся выдала за овдовѣлого Вацлава II., а в року 1307 основала ту готичну катедралу Святого Духа. В той добѣ Градец Кралове быв другый найвекшый город Чехии. Быв спустошеный в XVII. ст. в добѣ Тридцатирочной войны. Кениггрец быв важнов австрийсков твердыньов, покы австрийске войско не однесла ту дефинитивну поражку од Пруссии в року 1866, од котрой ся зачала прусска гегемония в германскых землях.
Памяткы и газдовство Окрем спомянутой катедралы ту епископскый каштель з библиотеков и портретами вшиткых епископох. Градец Кралове — желѣзничный узел и познатый выробов музичных инштрументох.
Жерела и одказы
Референции
Катеґорія:Населены пункты Чехии Категория:Краловоградецкый край