Премєр Казахстану (, ) є головов влады і выконуючой моци в Казахстанї.
Премєр стоїть на челї кабінету міністрів, орґанізує ёго роботу і несе одповідность за чінность влады перед презідентом Казахстану і парламентом. Актуалным премєром є од 6. фебруара 2024 Олжас Бектенов.
Поставіня і правомоци Подля новой Конштітуції Казахстану, котра вступила до платности 1. юлія 2026, є премєр назначеный до функції презідентом републікы зо згодов єднокоморового парламенту – Курултаю (до 1. юлія 2026 ся жадала згода нижнёй коморы колишнёго двойкоморового парламенту – Мажілісу). Політічна сістема Казахстану є сістемов зо силнов презідентьсков моцов, зато є головнов задачов премєра і ёго кабінету рїшіня господарьскых, соціалных і адміністратівных вопросів і стратеґій, покы ключовы політічны рїшіня суть в руках презідента.
К головным правомоцям і функціям премєра належить: Орґанізованя і ряджіня роботы влады, роздїлёваня функцій і задач меджі своїх заступцїв (віцепремєрів). Предкладаня пропозіцій презідентови тыкаючіх ся штруктуры і персоналного зложіня влады (окрем міністрів загранічных дїл, обороны і внутрїшнїх дїл, котрых назначує прямо презідент). Підписованя норматівных актів, наряджінь і узнесїнь влады. Заступованя влады в меджінародных одношінях і підписованя меджінародных договорів у рамках своїх правоміць. Поданя демісії влады в припадї высловлїня недовіры парламентом або по зволїню нового презідента.
Історія Функція премєра Казахстану была офіціално зряджена в роцї 1991 по розпадї Совєтьского союзу і выголошіню незалежности Казахстану. Передходцём той функції в періодї Казашской ССР быв председа Рады міністрів (до року 1946 – председа Рады народных комісарів).
Список премєрів од року 1991
Мено і призвіско Фотоґрафія Наступ до функції Опущіня функції Політічна партія Презідент Серґей Терещенко 16. децембра 1991 12. октобра 1994 Незалежный Нурсултан Назарбаєв Акежан Кажыгелдін 12. октобра 1994 10. октобра 1997 ПНЄК Нурлан Балгымбаєв 10. октобра 1997 1. октобра 1999 ПНЄК Касым-Жомарт Токаєв 1. октобра 1999 28. януара 2002 Нур Отан Імангалі Тасмагамбетов 28. януара 2002 11. юнія 2003 Нур Отан Даніал Ахметов 11. юнія 2003 10. януара 2007 Нур Отан Карім Масімов(1. функчный період) 10. януара 2007 24. септембра 2012 Нур Отан Серік Ахметов 24. септембра 2012 2. апріля 2014 Нур Отан Карім Масімов(2. функчный період) 2. апріля 2014 8. септембра 2016 Нур Отан Бакытжан Сагынтаєв 8. септембра 2016 21. фебруара 2019 Нур Отан Аскар Мамін 21. фебруара 2019 5. януара 2022 Нур Отан Нурсултан НазарбаєвКасым-Жомарт Токаєв Аліхан Смаїлов 11. януара 2022 5. фебруара 2024 Аманат Касым-Жомарт Токаєв Олжас Бектенов 6. фебруара 2024 в функції Аманат
Поз. тыж Презідент Казахстану Влада Казахстану Політічна сістема Казахстану
Жрїдла
Катеґорія:Політіка Казахстану * Катеґорія:Влада і право Казахстану