Василь Масцюх, Bazyli Maściuch; *30. марец 1873, Нова Весь, австрийска Галичина (днесь повѣт Новый Санч, Польща) – †12. марец 1936, Риманув-Здруй, Рѣчь Посполита II. — священик, професор, теолог, Апостолскый Администратор Лемковины.Bogdan HorbalІ. Д. Любчик
По закончѣню гимназии в Новом Санчу выштудовав теологию на грекокатолицкых семинариях во Львовѣ и Перемышлю.
12. новембра 1899 быв высвяченый на священика и в далшых роках служив в Перемышлю, Самборѣ и Саноку.
Наступно робив дизертацию (1899–1903) на Инштитутѣ Святого Августина Вѣденьской универзиты (доктор теологии, Th.D., 1903). Вернувши ся до Галичины, Василь Масцюх выучовав на теологичной семинарии в Перемышлю (професор церковного права, 1903–1914) и на Львовской универзитѣ, де быв повышеный до званя приват-доцента каноничного права (1912). В том часѣ написав свои найвызнамнѣйшы научны штудии о каноничном правѣ (Церковне право супруже, 1910; Право церковне, непубликована). Быв тыж нотарьом Перемышлянского епархиалного суда, референтом епископской конзистории, сполузакладательом Богословского научного товаришства во Львовѣ.
В септембрѣ 1914 отець Василь зостав австрийскыма верхностями арештованый ай интернованый в лагру Талергоф. Выслободив ся з нього в року 1916 дякуючи интервенции Львовской универзиты, але быв мобилизованый яко каплан про грекокатоликох до австрийского войска и посланый на талианскый фронт. В року 1918 трафив до талианского заятя и аж по войнѣ вернув ся на мѣсто приват-доцента до Львовской универзиты, а тыж служив парохом. В року 1934 Свята Столиця створила Апостолску Администрацию Лемковины. И 17. новембра того року отець Василь достав пост Администратора.
За тот куртый час, што му ся судило быти Администратором, створив курию Апостолской Администрации, навщѣвив з визитациов понад 30 парохий, зачав выдавати информачный билтен Вісти Апостольскої Адміністрації, 1935–1941, основав студитскый монастырь во Флоринцѣ. Його погляды на религийный и културный живот Лемкох найлѣпше указуе уже Перше пастирске посланіє, 1935 ай иншы статѣ, в котрых остро критикуе украинофилскый рух на Лемковинѣ.
Жерела и одказы
Референції
Катеґорія:Русиньскы церьковны дїятелї Катеґорія:Апостолска Администрация Лемковины