Ли́сабон, Lisboa, — главный и найвекшый город и главный пристав Португалии з обывательством 545 813 особ (2021). Въедно з агломерациев числить 2 871 876 особ (2021).Ehrlich, Blake , Gaspar, Jorge B. and Rebelo, Luís de Sousa.
Полога Лежить в горлѣ рѣкы Тежу, Tejo, в оддалѣню од Атлантичного океана.Трёшников А.Ф., с. 284.
Клима Через свою пологу просто на березѣ Атлантику, Лисабон мать мягку климу, овплывнену температурным режимом океана: не аж горяче лѣто и односно мягка зима. Температура рѣдко спаде под 0°C.
Сѣверный берег горла Тежу на запад од Лисабона — сама курортна зона, называна Сонѣчный берег, Costa do Sol (чит. Кошта ду сул).
История Основаный, подля одгадох в 2. тысячрочу до н. е. Феничанами под назвов Alis Ubbo (файне пристанище). В току Другой пунской войны забраный Римлянами (205 до н. е.). По роспадѣ Римской империи быв под владов германскых племен (Готы, Свевы, Визиготы), а од року 714 — Арабох. Ослободженый в року 1147 и входить до Кральовства Португалия, в року 1179 доставать варошскы права, а од половкы — статус главного города кральовства. В року 1755 спустошеный трясѣньом землѣ. 13. децембра 2007 ту подписана Лисабонска догода, котра де факто стала ся уставов Европской унии.Галкина Т. А., Ногтева О. А., Черных А. П.
Наука и култура Лисабонска универзита была основана в року 1288. Наука в школах безплатна и повинна про вѣкову категорию од 6 по 15 рокы. Окрем штатных школ суть приватны, з языком выукы америцкым, французскым, нѣмецкым, испанскым и шведскым.
В сучасности в Лисабонѣ суть во множествѣ розличны научны и културны академии и высшы школы, як державны, так и приватны. Меджи нима Инштитут Камоенса, котрый ширить португалску културу через свои центры, умѣщены в понад 100 державах свѣту.
Зачатком число штудентох росло, але од падать. Многы тутешны штуденты идуть за науков до престижнѣйшых заграничных универзит, а имигранты ся скорше змагають достати роботу, неж высокошколску диплому.
Обывательство Агломерация Лисабона покрывать лем 3% плохы штату, але ту жие понад 25% його обывательох. В року 1975, коли португалскы африцкы колонии ся осамостатнили, одты зачав ся приток имигрантох. Найвеце их было з Кабо Верде. Ку року 2000 мѣра обывательох зо загранича выносила 10%.
Газдовство Исторично газдовство Лисабона было основане на рыбарствѣ. В сучасности в газдовствѣ доминуе сфера служеб, в нёй занято понад три штвертины роботных рук. Меджи службами важну роль повнять туристика и торговля. Свѣтова выставка Expo'1998 и впечатлива модернизация Лисабона додали му новый образ. Появив ся мост Васко да Гама, натогды найдовжый в Европѣ, а вздовж набережа — океанариум, портошы про яхты, готелы, торговы домы и центры забав. Але при тому Лисабон у многому захранив атмосферу вароша XIX. стороча, и тота притягуе туристох. На свѣтаню рыбарскы човны выставляють свою ловину на голосливу лицитацию перед маителями рыбных продавалень, а торговцѣ рыбов в довгых чорных катранах ещи все розносять рыбу в кошарках на головах. В старых историчных частях Лисабона в ресторанах мож послухати музику и спѣванкы в штилу фаду, котрый ся ту родив в минулых сторочах и жие доднесь.
Торговы, финанчны и транспортно-логистичны службы — далшый важный сектор газдовства. Накладовый обѣг морского приставу , число пасажерох на крузерных лодях . Традичны конарѣ машинарство, металургия, лодярство, петрохемия перенесены в агломерацию, на лѣвый, южный берег Тежу, в район Сетубал. Важнѣйшы експортовы продукты: вина, оливовый олай, рыбны конзервы.
Интересны факты Лисабон — найзападнѣйшый главный город континенталной Европы. Тутешный мост Васко да Гама через горло Тежу (17,2 км, 1998) — другый найдовжый в Европѣ по Крымском мостѣ (19 км, 2018). Лисабон — едно з невельох мѣст на свѣтѣ де голова мѣстной Римокатолицкой Церкви несе титулу патриарха.
Жерела и одказы
Трёшников А.Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с.
Референции
Катеґорія:Населены пункты Португалии Катеґорія:Міста Катеґорія:Головны міста