Сторожница, Сторожниця, Jovra, Őrdarma — село в Ужгородском районѣ Закарпатской области Украины. До року 1946 мало назву Йовра.
Полога Село лежить на лѣвом березѣ Уга на югозапад од Ужгорода, фактично споене з его микрорайоном Боздош.
История Створило ся в року 1894 прилучѣньом села Йовра ку селу Дарма под назвов Йовродарма, Őrdarma. Перед тым оба села сторочами екзистовали окреме. Дарма ся первый раз споминать под роком 1285 з тогдышнов назвов Durma, а Йовра — под рокми 1332—1337 з тогдышныма назвами Hewr, Heur. В зачатку то были сторожовы селитвы «засѣчной линии» (границѣ Мадярского кральовства).Sebestyén Zsolt, Úr Lajos
В конци XIII ст. засѣчны линии ся роспали, а охранарѣ засѣк ся поставали землепанами, вольныма земледѣлцями або панщарями. В 30-х роках XIV ст. жерела кажуть, же ту быв католицкый костел. В добѣ реформации католицкых священикох замѣнили протестантскы, котры ту проповѣдовали од року 1623 до первой половкы XVII ст.М. Ю. ТокарСергій Федака
В чехословацкой добѣ (од року 1919) село ся называло Йовра, Jovra. Подля списованя з року 1930 мало 1343 обывательох, з котрых были: 672 Русины, 229 Евреи, 194 Словаци и Чехы (в списованю ся не роздѣляли), 135 Мадяре, 57 иншых народности, 56 — чужоземцѣ (без чехословацкого горожанства). Грекокатолицка громада числила 633 вѣрникы и мала муровану церкву Святых Кирила и Мефодия з року 1930, а римокатолицка — мурованый костел Рождества Пресвятой Богородицѣ з року 1784. В селѣ были нотарскый и жандарскый уряды.Я. Достал
В року 1938 наслѣдком Первой вѣденьской арбитражи была Йовра до року 1944 назад в Мадярском кральовствѣ.
Украинска доба села ся зачала 28. октобра 1944. Село административно належало ку сельской радѣ Тарновцьох.Тронько П. Т.
В року 1946 Указом Найвысшой Рады УССР з дня 25. юна 1946 село Йовра было прейменовано на Сторожницю [ őr = сторож]. В зачатку року 1948 створили колективне земледѣлске газдовство им. Горького, (спочатку им. Сталина). Поступно примусово забрали до нього вшиткы землѣ, статок и газдовскый инвентарь бывшых приватных властникох без жадной компензации. В року 1949 од римокатолицкой громады забрали костел, якый понад 40 рокы хосновали як складовню, переважно на яблока. Грекокатолицку громаду примусили перейти на православие.
Газдовство Днесь лидер аграрной выробы села — фармерске газдовство «Коник». В селѣ тыж фунгують готелно-ресторанны комплексы, з котрых найвекшый — гостинець «Чарда».
Вызнамны родаци Виктор Дармаи (1850–1878), мадярскый поет, новинарь, писатель.
Жерела и одказы
Сергій Федака: Сторожниця. // Населені пункти і райони Закарпаття: Історично-географічний довідник. С. 207
Референції
Катеґорія:Населены пункты Украины Катеґорія:Населены пункты Закарпатской области