Василь Караман, Vasiľ Karaman, *21. май 1903, Нягов, жупа Земплин, Мадярске кральовство – †25. децембер 1961, Пряшов, Чехословакия — русинскый политичный дѣятель в Пряшовском регионѣ и на Подкарпатской Руси.Paul Robert Magocsi
По закончѣню торговой академии в Мукачовѣ (1924–1927) вернув ся до Словакии, де працовав яко штатный урядник (1927–1933) в Пряшовѣ, быв секретарьом провладной Аграрной републиканской партии (1933–1938).
Редиговав новинкы «Русский земледѣлець» (1928–1929), «Пряшевская Русь» (1938–1939), «Слава Руси» (1939). В кабинетѣ А. Волошина быв секретарьом министра Е. Бачинского.М. І. Мушинка
Караман быв в опозиции ку проукраинской политицѣ А. Волошина и в новембрѣ 1938 быв выбраный на чело новоствореной в Хустѣ Централной Русской Народной Рады (ЦРНР), алтернативной, загорнюючой русофилох и русинофилох, политичной организации, котра стояла за зостаньом в Чехословакии и была устарана наростаючым «украинскым терором», уваленым на мѣстне русинске обывательство парамилитарнов Карпатсков Сѣчов. ЦРНР не досягла своей цѣли и Караман ся вернув до Пряшова в януарѣ 1939.
В року 1941 за антифашистичну чинность влада Первой Словацкой републикы дала го на полдруга рокы до басы. По выслободжѣню быв фурт под дозором полиции.
В року 1943 быв меджи закладателями «Карпаторусского Автономного Совета Национального Освобождения» (КРАСНО) — илегалной организации, створеной в Пряшовѣ, жебы помогати совѣтскым заятцям, котры утѣкали з концентрачных лагрох, контактовати и сполупрацовати зоз словацкыма партизанами, иншыма антифашистичныма силами.
Входив до Комитету антифашистичного Руху Одпору Выходной Словакии.
В марцу року 1945 быв меджи закладателями Украинской народной рады Пряшовщины, быв выбраный на ей чело (1945–1949) и на пост редактора ей официалного органа, русскоязычного тыжденника Пряшевщина. В року 1949 быв одстраненый од тых урядох про то, же не быв членом комунистичной партии, формално быв обвиненый, цѣлком абсурдно, як «антисовѣтскый украинскый буржоазный националиста». В далшых роках жив в повной изолации од политичного и културного живота Пряшовского региона.
Жерела и одказы
Референции
Катеґорія:Русиньскы політіци