Мадяро́нGiuseppe Motta. Less than nations: Volume 1 and 2 : Central-Eastern European minorities after WWI. Cambridge Scholars Publishing; Unabridged edition (October 1, 2013)Marek Wojnar. Department of Central and Eastern Europe, Institute of Political Studies, Polish Academy of Sciences A minor ally or a minor enemy? The Hungarian issue in the political thought and activity of Ukrainian integral nationalists (until 1941)Martin Pekár et al. Ethnic minorities in Slovakia in the years 1918-1945. A survey (мн. мадяро́ны, maďarón, мадярони) — понижуюче означѣня особы немадярского етничного походжѣня в Мадярском кральовствѣ, котра подлягла помадярчѣню, пейоративне означѣня мадярофила, патриота мадярской державы.Peciar, Š.Ivan Pop
Од року 1867 по австрийско-мадярском выровнаню в Мадярском кральовствѣ народностны меншины зостали лишены на ласку пануючой мадярской националистичной олигархии, зачав ся намѣреный процес их помадярчѣня. Реакциов на тот процес од боку Русинох было мадяронство: то была адаптация ку новой реалитѣ.
Мадяронство не означовало народностный напрям: мадярон разом мог мати хоть яку народностну ориентацию. Але мадяронство отворяло путь до зысканя сполоченской позиции.
Напримѣр, Августин Волошин, еден з найвызнамнѣйшых карпаторусинскых дѣячи быв спочатку русинофилом, пак украинофилом, а при том быв мадярон. Яко педагог, Волошин од року 1907 подля школскых законох Аппонѣ, мав статус державного урядника, склавши присягу державного учителя, и быв остро контролованый дозорнов радов, прото нѣт што ся чудовати, же поступовав, як яло мадярскому патриотови, и в таком духу выучовав, а свого шефа, автора мадяризачных законох, в року 1910 высоко оцѣнив: «… заслуживъ себѣ искренну благодарность цѣлого края министръ графъ Албертъ Аппонѣ, составитель сего закона, котрый своею ученостью, своимъ ораторскимъ талантомъ, своею побожностью и своимъ народолюбіемъ пріобрѣвъ себѣ уваженіе передъ цѣлымъ цивилизованнымъ свѣтомъ».Павло-Роберт Маґочій, с. 103. Што веце, Волошин написав даколькы мадярскоязычны учебникы, котры мали помочи переходу на мадярскый язык выучованя, хоть на то законы Аппонѣ не примушовали. А бизовно, же так собѣ вылѣпшив шансы на успѣшну карьеру. В року 1907 написав русинску граматику по мадярскы Gyakorlati kisorosz (ruszin) nyelvtan, котра мала помочи Русинам научити ся свому литературному языкови, а едночасно ся научити мадярску граматичну терминологию. Перед Первов свѣтовов войнов быв ведучов поставов выдавательства Unio и членом Централной комисии грекокатолицкой епархии, котра ся усиловала помадярчити карпаторусинскы парохии (1915), против чого протестовав. Але в року 1918 став ся главнов фигуров промадярской Рады угро-руского народа в Ужгородѣ (котра ся усиловала о зостаня Подкарпатя в Мадярском кральовствѣ). Уже слѣдуючого року прилучив ся ку прочехословацкому напряму, став ся подпредсѣдником Централной руськой народной рады (май 1919) и членом делегации, што ишла до Прагы просити прилучѣня.Павло-Роберт Маґочій, с. 490.
Другый, Стефан Фенцик, еден з найамбициознѣйшых карпаторусинскых дѣячи, автор мелодии Русинской народной гимны, закладатель партии, быв цѣлый живот русофил и мадярон, писав учебникы язычием и по мадярскы.Павло-Роберт Маґочій, сс. 539–540.
Третий, Иван Гарайда, фаховый лингвиста, автор официално кодификованой граматикы, директор ПОН быв русинофил и мадярон.Павло-Роберт Маґочій, сс. 539–540.
При том во своих крайных формах мадяронство могло обсяговати нечестованя властного материнского русинского языка, даколи ай агресивну участь в процесах помадярчѣня, окреме од особ, котры мали державну службу во школах, або служили Грекокатолицкой Церкви. Про то нерѣдко означѣня мадярон было поуживане як понижуюча прозывка, такой ровнозначне понятю одродилець.
А при том вшитком мадяронство через довгы рокы намѣреного помадярчѣня пустило глубоке корѣня ай в простом народѣ. Писатель Ириней Кондратович зобразив то в повѣданю Козаки и мы / Правдива повѣстка из свѣтовой войны, де в дидактичной формѣ подавать и основны постулаты мадяронох.
Жерела и одказы
Референции
Катеґорія:Народы і етніка Катеґорія:Култура