Иван Мондок, Ivan Mondok; *25. май 1893, Руськый Грабовець, Мадярске кральовство – †8. децембер 1937, Ленинградска область, лагпункт ГУЛАГ, СССР — учитель, новинарь, политичный дѣятель Подкарпатской Руси.Paul Robert MagocsiО. Д. Довганич (2004)
В мадярской добѣ Походив з родины сельского учителя. По зачаточной школѣ в родном селѣ выштудовав горожанку и учительску семинарию в Ужгородѣ. В роках 1913–1915 учительовав в Убли и служив там тыж урядником на нотарском урядѣ. В децембрѣ 1915 быв мобилизованый до мадярского войска, в року 1916 трафив до российского заятя, де як военный заятець працовав на астраханьской лодярни. Октоброва револуция в конци року 1917 означала выслободжѣня зо заятя, и одтогды став ся револучным бойовником, вступивши до болшевицкой партии и Червеной армады. Быв посланый до Москвы учити ся на комунистичного пропагандисту (1918), пак до Будапешту, де став ся членом комунистичной партии, котру створив Бейла Кун. Од апрѣля 1919 — политичный комисарь Русинской дивизии на Подкарпатю, пак выдавав в Будапештѣ украинску новинку «Руська Правда» — орган народного комисариату Руськой Крайны. По падѣ Мадярской Совѣтской Републикы скрыв ся до Вѣдня, де пошов и Бейла Кун въедно зоз републиковыма комисарями.О. Д. Довганич (2019)
В чехословацкой добѣ Во Вѣдню Иван Мондок барз бѣдовав, и начим Чехословакия выголосила амнестию пролетарскым револуционарям, в марцу 1920, вернув ся до Ужгороду.
Ту став ся едным зоз лидерох новоствореной Меджинародной социалистичной партии Подкарпатской Руси, основав и редаговав ей орган, новинку Правда, пак Календар “Карпатської Правди”. По створѣню крайовой организации Комунистичной партии Чехословакии (КПЧ) быв на ей ведучых постах, а в роках 1923 – 1929 быв членом ЦК КПЧ. В роках 1924 – 1929 быв посланцьом чехословацкого парламенту од КПЧ. Быв делегатом IХ. зъѣзду КП(б)У (децембер 1925), 6. Конгресу Коминтерны ай членом Меджинародной контролной комисии екзекутивы Коминтерны.Токар М. Ю.
Часты путованя до СССР были барз немило позорованы од чехословацкой безпекы, и Мондок быв веце разы арештованый з подозрѣньом о политичну агитацию на хосен комунистичного загранича. В року 1930, як ся минула его посланецка имунита перед грозячым му довгорочным арештом, на розказ ЦК КПЧ емигровав до СССР.
На емиграции в СССР Од року 1930 — ашпирант Инштитуту червеной професуры в Харьковѣ. 3. новембра 1933 заарештованый за вину належности ку контрареволучной организации (УВО — українська військова організація) ай шпионажи на хосен чехословацкой розвѣдкы. Засудженый на пять рокы лагрох. По четырьох роках, 25. новембра 1937 «судова тройця» НКВД в Ленинградской области засудила го на смерть. И неодовго быв розстрѣляный.
В року 1957 регабилитованый.
Улога в украинизации Подкарпатской Руси Мондок быв украинофил и симпатизант СССР. Якраз такых людей комунистичным вожаям СССР требало найти про украинизацию Подкарпатской Руси, одколи было рѣшено, же прилеглы територии Польщи, Чехословакии и Румынии суть заселены Украинцями и мають быти «возъеднаны» зоз совѣтсков Украинов.
Ещи в мадярской добѣ Мондок быв выученый в Москвѣ и по вернутю дому выдавав комунистичну новинку «Руська Правда» (перве число 12. апрѣля 1919, Будапешт). Але тота новинка была писана русчинов зоз читавов примѣшков подкарпатской бесѣды. Уже в конци року 1920 дакотры з коминтерновскых емисарьох жадали од него, обы перейшов на чисту литературну украинчину. Мондок быв на то в принципѣ готовый, але тот язык он не знав. Такых людей, што го знали, не было вельо ани в самом Харьковѣ, тогдышном головном мѣстѣ Украины.Сергій Федака
5. Конгрес Интернационалы (17. юн.– 8. юл 1924) дав директиву комунистичным партиям Польщи, Чехословакии и Румынии голосити гасло «возъеднаня» Галича, Подкарпатской Руси и Буковины з Украинов,Кульчицький С. В. а Мондок быв тогды уже член ЦК КПЧ, циже быв то про него прямый розказ. На Украинѣ процесом украинизации рядив народный комисарь Микола Скрипник, котрый шефовав ай над выконавателями в спомянутых регионах.Солдатенко В. Ф.
Мондок покликав на редакторску роботу галичанку Феодосию («Додю») Керечинску, котра через свою нелегалну чинность в комунистичной партии мусѣла была ся скрыти од полиции раз до Варшавы, пак до Прагы, а наконець до Ужгороду. Додя знала украинчину, але неодовго ся нев, яко чужоземков, заинтересовала ай тутешна полиция. Но и тото ся вырѣшило, коли ся Мондок з нев оженив, а так зыскала легалный статус. В року 1928 ходив до Москвы на 6. Конгрес Коминтерны, а путьом в Харьковѣ ся дознав неприемну новину, же украинизация на Украинѣ ся мать закончити. Далша грызота пришла в року 1929, коли зостав невыбраный не лем за секретаря, але ани за члена крайкома партии, а ку тому знятый з поста редактора Карпатской Правды. Полиция го в марцу засадила на три мѣсяцѣ до арешту, а як выйшов, дознав ся, же як ся му мине посланецка имунита, грозить му арешт на . Мусѣв утѣкнути до Харькова, куды неодовго за ним пришла и Додя. Од року 1933, коли трафив до ГУЛАГу, до осени 1937 писав ей писма. Пак перестав, а она достала официалный ознам, же засудженый на далшы 10 рокы без права перепискы, а наступно, же умер 8. децембра 1941. Насправдѣ ниякы новы «грѣхы» у Мондока не выявили. Напротив, агентурна записка з дня 17. марца 1936 писала, же его историчнов заслугов было пробуджѣня народностной свѣдомости обывательства Закарпатской Украины, бой за украинску културу, за перетворѣня Русинох на Украинцьох.
Жерела и одказы
Референции
Катеґорія:УССР Катеґорія:Комунизм Катеґорія:Політічны лідеры Катеґорія:Новинаре Катеґорія:Посланцьове парламента Катеґорія:Персоналії подля алфавіту