Украинофил (од Украина и φιλέω люблю) в узшом вызнамѣ — особа русинского етнолингвистичного окружѣня, котра поважуе, же Русины суть конарьом украинского народа. Украинофилы ай Украинцѣ аргументують, же етноним Русин — то просто старша назва днешнього термина Украинець, а русинскый язык — тото розличны диалекты украинского языка.Paul Robert Magocsi Антоним — русофил. Ту иде о етничну самоидентификацию. В Российской империи од до так себе называли участникы украинского народницкого руху (иншак: народолюбцѣ).John-Paul Himka
В ширшом вызнамѣ — то особа (переважно нерусинского походжѣня) котра любить вшитко украинске, або окремы аспекты украинской културы, истории итп. Антоним — русофоб. Ту иде о политичны ци културны симпатии. Напримѣр, в XIX. сторочу украинофилами называли польскых и русинскых писательох, котры собѣ выберали украинску тематику.
Украинофилы одмѣтовали русофилскый постулат единого «общерусского народа», котрый якобы загортав Украинцьох (Малорусох, подля словника их опонентох). Они одмѣтовали ай русинофилскый погляд, же Русины можуть або мають творити окрему народность, а таку думку означовали як «сепаратизм». По револучных перемѣнах року 1989 украинофилы, усилуючи ся мати хосен од ростучой популарности етнонима Русин, ци то в Подкарпатской Руси, ци на Лемковинѣ, ци в Пряшовском краю, зачали про «карпатскый конарь» украинского народа хосновати назву Русины-Украинцѣ и твердити, же Русины-Украинцѣ не потребують ниякый «майстровый язык», бо украинскый язык мать повнити функцию их языка културы и «высшой» комуникации.
В Российской империи в роках и термин украинофил достав негативну коннотацию од такых националистичных интелектуалох як Борис Гринченко и Микола Михновскый, котры так зачали называти тых Украинцьох, чия народностна самосвѣдомость не пошла дале од етнографичного оцѣнѣня. Тото уточнѣня термина з части указовало на генерачны роздѣлы меджи некомпромиснов револучнов молодежов и их май мѣрныма старшыма колегами, котры прияли были самоназву украинофил. Молода генерация себе поважовала за свѣдомых Украинцьох, а украинофилох — за такых, што мають двоиту свѣдомость, русску и украинску, бо украинофилство означать симпатию з украинскым яко з иншым, а не своим властным.
Жерела и одказы
Референции
Катеґорія:Народы і етніка Катеґорія:Култура