Виктор Дармаи, Darmay Viktor (властным йменом Дьезев Вицманди, Viczmándy Győző), *2. децембер 1850, Дарма, жупа Унг, Мадярске кральовство – †28. марец 1878, Кузмице, жупа Земплин, Мадярске кральовство — мадярскый поет, новинарь, писатель.Szinnyei József
Живот Походив з немешского роду Вицмандих. Дѣточы рокы перебывав в Кузмицях, де му отець быв сполувластником готара. Учив ся в Шатораяуйгею и Кошицях. Уже од 17-рочного вѣку посылав свои литературны пробы до будапештскых часописох, и были публикованы. По завершѣню штудий служив правником в Пряшовѣ и Будапештѣ. В главном городѣ ся спознав зоз молодыма писателями, зостав похваленый и подохоченый про свои литературны забавы и так фурт вецей ся оддавав литературѣ.
Мадярске сполоченство в тых роках ещи жило памятьов о поражцѣ року 1848 и переважно примирило ся з выровнаньом 1867, в тогдышной поезии зримо пановав песимизм. А Дармаи выставав над своима колегами поетами своим мужеством. Во своих поезиях о слободѣ стояв на крайно лѣвых позициях. В родинѣ Вицмандих традично ся держали конзервативных поглядох и найтвердѣйшым в том быв отець поета, котрый быв немилосердным противником його револучных верши. Нераз меджи нима была дискузия и поет непредставимо дерзко выступовав на отця. Такым некомпромисным быв и ку своим найблизшым приятелям. Про то не годен быв быти популарный. Поправдѣ бояли ся го, остороняли ся го, а ледво мав едного ци двох приятельох, што могли мудро оддѣлити коравого, насилницкого атлета од иншак справедливого, вытонченого, сердечного поета.Szabó Endre
Окрем поезий публиковав в часописах повѣданя, критичны ай иншакы статѣ. В року 1875 редаговав и выдавав гумористичный часопис Garabonczás Diák (Босоркун), з котрого вышло 20 чисел.
Творба Уже в рокы правничой службы опановала го наклонность ку литературѣ. Литературны часописы радо брали його вершы, в котрых было видѣти автора запалчивого, поглядох благородных, але ещи не зовсѣм прояснѣлых, высокого наданя, але часто з примѣшков незбавости.Révai nagy lexikona
Выдав двѣ поетичны зберькы: Felhők és csillagok (Хмары ай звѣзды, 1872) Ujabb költemények (Новшы поезии, 1877)
Патетика його поезий о слободѣ и патриотичных е примѣрена ай не сплощуе их зато, бо кажде слово там щире и горить огньом страсти. Поезии любовны суть нарѣканьом на нещастну любовь. И едны и другы суть присмачков той добы, в котрой ся родили. А тоты два томикы, котры нам лишив, суть варты того, жебы сьме их прочитали и тогды набизовно могли повѣсти:
Жерела и одказы
Референции
Катеґорія:Поеты Мадярщины Катеґорія:Мадярскы новинаре