Републіка Маврікій (анґл. Republic of Mauritius,фр. République de Maurice) — островна держава в юго-восточнуй часті Індійського океана, приблизно 900 км на восток уд Мадагаскара.
Історія Острув быв удкрытый портуґальцями в 1505. годови. Першыми колонізаторами были голандці, котрі заселили острув в 1638. годови, тай назвали го в честь принца Моріса Насауського. Французы правили островом в XVIII сторочови, и назвали острув Іль-де-Франс. Британці завоювали острув в 1810. годови, и перейменували го на Маврікій.
Маврікій став незалежным в 1968., куй ун став републіков. Маврікій — демократична держава тай єдна з май розвиненых держав Африкы.
Провінції
У острова сут 9 провінцій:
Блек Райв Флак Ґранд Порт Мока Памплемос Пленс Вілджемс Порт Луіс Райв Ремпарт Савана
Чотыри островы котрі входят в склад Маврікія:
остров Агалега Каргадос Карахос Архіпелаґ Чагос Родрігес
Географія
Маврікій вєдно з Реюньомом тай Родрігесом входит в склад Маскаренськых острову. Сись архіпелаґ утворив ся в результаті выверженя вулкану. Маврікій быв утвореный 8-10 міліону году назад. Вулканічної активності в сьому регіоні буш ниє.
Сама высока вершина Маврікія — Пітон-ла-Рівьє-Нуар высотов 828 м.
Клімат на острові тропічный, зима тепла и суха (май-новембер), а лїто душноє и вогкоє (новембер-май). Лїтом острув часто накрывают циклоны.
Столиця и самый великый варош Порт Луі, находит ся на сїверо-западі. Другі великі варошы — Курепайп, Роуз-Хіл, Кватр-Борн тай Вакоас.
Економіка
З момента незалежності в 1968 годови Маврікій розвинув економіку, основану на сільському ґаздувстві, при тому промысел и туризм показуют стабільный руст. Каждый гуд прирост валового національного дохода складає 5–6%.
Цукрову тростину урощюют приблизно на 90% обробленых земиль и складає близко 25% експорта. Безроботя на Маврікійови складає около 7%.
Одкликованя
* Маврікій Маврікій Маврікій