Золота Орда — росширена назва улуса Джучи, западной части Монголской империи, котра найвецей процвѣтала од середины 13. стороча до конця 14. стороча. Люде Золотой Орды были мѣшанинов туркотатарскых и монголскых народох, и тоты другы обычайно творили аристокрацию."Golden Horde". Encyclopedia Britannica.
Официална назва державы была «Улус Джучи» и «Великый Улус». Означѣня «Золота Орда» ци «Велика Золота Орда» появили ся лем од другой половкы XIV. стороча на сторонках русскых документох — уже як назвы татарской державы. До того часу ай самы русскы люде называли монголску державу просто «Орда» або «Татары».Трепавлов В.В., 2010, стор. 10. Найвецей история Золотой Орды ся дала знати на териториях днешных России и Украины.
История Золотой Орды Западна часть Монголской империи Чингизхана ещи не была дефинитивно завойована и не мала цѣлком усталены границѣ, а тоты териториалны просторы творили улус, котрый владця оддав свому старшому сынови Джучи. Джучи умер скорше од свого отця, в року 1227, але его сын, хан Бату, росширив свое панство в рядѣ знаменитых походох, меджи котрыма было порабованя и спалѣня города Киева в року 1240. На верху свого росцвѣту територия Золотой Орды ся простерла од Карпат в Восточной Европѣ до степох западной Сибирии. На югу землѣ Орды сягали Чорного моря и Кавказскых гор. Бату заложив свой главный город Сарай-Бату в нижном току Волгы. По часѣ главный город перенесли горѣ током, приблизно де теперь Волгоград, и назвали Сарай-Берке, а ту в добѣ своей розмогы мав он около 600 000 обывательох. Орда поступно ся потурчовала ай исламизовала, найвеце при ей великом ханѣ Оз-бекови (1312–1341). Ординскы племена ся занимали скотарством в степах, а покорены нима народы тых територий платили дань. Русскы князѣ, найме московскы, необавкы достали зодповѣдность за збераня мѣстной дани. Орда мала широку торговлю зоз середоморскыми народами, окреме з Египтом и Яновсков републиков. Черна смерть, мор, што выбух в Европѣ в роках 1346–1347, и забивство наступника Оз-бека поклали зачаток упадку и роспаду Золотой Орды. Русскы князѣ здобыли знамениту побѣду над ординскым генералом Мамайом в Куликовской битцѣ в року 1380. Наступник и конкурент Мамая Тохтамыш на одплату порабовав и спалив Москву (1382) и вернув владу Орды над Русами. Авшак панованя Тохтамыша переломив его бывшый союзник Тимур Кутлук, котрый ся вломив на територию Орды в року 1395, спустошив Сарай-Берке и депортовав векшу часть квалификованых майстрох региона до Середньой Азии, забравши так од Орды ей технологичны перевагы над зачавшой ся оброджовати Московиев. В 15. сторочу Орда ся роспала на даколько дробнѣйшых ханств, з котрых найважнѣйшы были Крымске, Астраханске и Казанске. Послѣдный зостаток Золотой Орды быв знищеный крымскым ханом в року 1502.
Постистория Сарай-Берке быв знищеный Тимуром домак, так же археологы его слѣды довго не могли найти. Найшли их онь в року 1836 в районѣ тогдышного Царицына (днесь Волгоград).Arany-horda. Révai Nagy Lexikona.
Жерела и одказы
Референції
Катеґорія:Історія Европы Катеґорія:История Азии Катеґорія:Бывшы штаты Катеґорія:Штаты і теріторії, котры основаны 1224 Катеґорія:Штаты і теріторії, котры заникли 1502