Тото статя за крайину. Про другі понятя ник. Німещина (чеперушка) НімещинаПо пряшувськы Нїмецько. (, ), повнов назвов Федерална республіка Німещина, курто ФРНПо пряшувськы Сполкова Републіка Нїмецько, курто СРН. ( , ) є крайина в Западнуй и Централнуй Европі. Лежит межи Балтськым и Сіверным морьом, на югови досігат Алпы. Чинит ся 16 землями и має цілковоє бывательство булш як 83 міліонув чоловік. Німещина — майнаселена держава Европської унії. Має гатар из Данійов на сівері, Польщов и Чехійов на восток, з Австрійов и Швайцом на юг, Франційов, Луксембурґом, Белґійов и Нідерландами на запад. Головным и майнаселеным варошом Німещины є Берлін; головным фінансовым центром — Франкфурт; майвелика аґломерація тото Рурськый реґіон. Розлога Німещины — 357,578 км2.
Заселеня території днешньої Німещины ся зачало у старшый палеоліт. Уд неоліта и дале ї заселяли вшылиякі племена, головно келтські и ґерманські. Римляне кликали реґіон Germania. У 962. році Німецькоє корольство чинило читаву часть Сященної римської імперії. У 16. сторочови сіверні німецькі реґіоны стали центром протестантської Реформації. По Наполеонувськых войнах и розпаді Сященної римської імперії в 1806. році в 1815 была сформована Німецька конфедерація.
Скапчаня Німещины в сучасну націоналну державу (Німецьку імперію) ся стало в 1871. році пуд проводом Прусії. По Першуй світовуй войні и револуції 1918–1919. рокув вмісто імперії ся вытворила Ваймарська республіка. У 1933. році націшты дустали власть — тото привело д покладеньови тоталітарної диктатуры (Третього райха), Другуй світовуй войні и Голокаустови. У 1949. році по войні и окупації Союзниками, Німещина ся лишила розділена на дві окремі державы з ограниченым суверенітетом: Федералну республіку Німещину (ФРН) вадь Западну Німещину и Німецьку демократичну республіку (НДР) вадь Восточну Німещину. Западна Німещина была закладным членом Европського економічного общества, а Восточна — комуніштськов державов Восточного блока и закладным членом Варшавського пакта. По мирнуй револуції, котра зверла комуніштськый уряд у Восточнуй Німещині, 3. октовбра 1990 стала ся реуніфікація Німещины, и Восточна Німещина зайшла до складу ФРН.
Німещина — розвинута держава з муцнов, майвеликов у Европі подля номіналного ГДП економіков. Німещина є читавов силов у дакулькох індустріалных, научных и технолоґічных секторах; третьым майвеликым експортером и імпортером. Німещина ся шыроко держит за вливову державу, є членом многых межинародных орґанізацій и форумув: у тум числі ЕУ (уд 1957), НАТО, ОСН (Німещина щи й належит до ґрупы фурташных членув Рады безпекы ОСН, P5+1), Рады Европы, Европської космічної аґенції, G4, G7, Межинародного валутного фонда, Орґанізації економічної сполупраці и розвою, Орґанізації безпекы и сполупраці в Европі (ОБСЕ), Світової торгової орґанізації. Німещина є третьов крайинов за числом памняток світової дідузнины ЮНЕСКО и має такых 55, з котрых 52 — културні памняткы.
Офіціалнов валутов Німещины є уд 2002. року евро. Оно прийшло на заміну німецькуй марці.
Етимолоґія Німецька самоназва (ендонім) , ориґінално („німецькі землі“), походит уд deutsch, котроє в свою очерідь иде уд староверьхньонімецького „народный“ уд авадь „челядь“, котроє ся ориґінално хосновало на удличованя языка простого народа уд латинського и його романськых наслідникув. Тото походит уд праґерманського „народный“ уд , уд праіндоевропського „челядь“, з котрого ся вывела и назва племени тевтонцюв. (for ). (for ).
Адміністратівне дїлїня Нїмецько ся од року 1990 дїлить на 16 сполковых штатїв (нїмецькы: Bundesländer).
Сполковы штаты в Нїмецьку: Баден-Віртенберґ, (головне місто Штуттґарт) Баварія, (головне місто Мнихів) Берлін, (єдночасно i головне місто того сполкового штату) Бранденбурґ, (головне місто Подступім) Бремен, (головне місто Бремен) Гамбурґ, (єдночасно i головне місто того сполкового штату) Гессен, (головне місто Вісбаден) Мекленбурьско-Передня Померанія, (головне місто Шверін) Нижнє Сасько, (головне місто Ганновер) Райнланд-Фалц, (головне місто Майнц) Зарланд, (головне місто Зарбрікен) Сасько, (головне місто Дреждяны) Сасько-Ангалт, (головне місто Маґдебурґ) Севернє Поріня-Вестфалія, (головне місто Дісселдорф) Турінґія, (головне місто Ерфурт) Шлезвіцько-Голштайн, (головне місто Кіл)
Запяткы
Референції
Німецько Катеґорія:Европска унія Катеґорія:Країны Катеґорія:Державы НАТО Катеґорія:Германия Катеґорія:Штаты і теріторії, котры основаны 1990