Тересвюськый деревоубробный комбінат (ДОК) — промыслена фірма в варощикови Тересва, Тячувського района, Закарпатскої области, Украйины.
Історія По розпадови Австро-Мядярщины Тересва лишила ся на теріторії Мадярщины, но в апрільови 1919 года ю окуповало румынське вуйсько. У юни 1919 года йих замінило чехословенськоє вуйсько й в подалшому варощик оказався частьов ЧехословенщиныТересва, Тячівський район, Закарпатська область // Історія міст і сіл Української РСР. Закарпатська область. — Київ, Головна редакція УРЕ АН УРСР, 1969..
Ґеоґрафічноє положіня села приспівало розвою туй лісонапаровань и в зачинаньови 1920. году туй зачали роботу державный лісопілный завод и дві малі личні лісопілкы. По тому, гий д Тересви была проложена узкоколійная жилізна дорога, на окрайині поселиня быв зробленый склад піломатеріялу.
По Мюнхенської догварькы 1938 года убстановка в Чехословенщині убтяжила ся, 14 марця 1939 года была оголошена незалежность Словещины, а потум же Карпатської Украйины й в тот же динь мадярські вуйска перейшли в наступ на Пудкарпатя, й Тересва лишила ся в складови Мадярщины.
24 октобря 1944 года село заняли части 17. гвардійського стрілкового корпуса РККА, туй быв зобраный Народный комітет, проведена інвентарізація, й в 1945 годови в складови Пудкарпатя Тересва стала частьов СРСР.
Дале, лісопільный завод быв націоналізованый. У удповідности из четвертым пятигудньым планом возновліня й розвоя народного ґаздувства СРСР (1945 - 1950 гг.) завод получив нові ублады з Москвы, Єревана, Казані, Уфы, Ярославля й другых варошу, быв реконструйованы й розширеный, и став майгрубым деревоубробнов фірмов на теріторії Закарпатскої области. Продукційні процесы были механізовані, й аж в 1945 годови завод зробив валової продукції на 356 тыс. рублю, то в слідувучі годы обємы выробляня збулшили ся. Діля вывоза готової продукції уд комбіната д жилізнопутьової штації Тересва были проложині пудїздні путі.
У 1968 годови ціна выробленої комбінатом продукції склала 5,8 млн. рублю СРСР.
У 1969 годови было завершино будованя й введеный до ряда корпус мебелного цеха.
На 1969 гуд основнов продукційов Тересвюського ДОК были ділова деревина й піломатеріялы, также выробляла ся мебел. Продукція комбіната поставляла ся в всі републікы СРСР и експортовала ся в ФРН, Францію тай Швайцарію.
У авґустови 1970 года Рада міністру УРСР прийняла рішіня за заміну номенклатуры выпускаючовся продукції дакоторых фірм мінліспрома УРСР - и из 1971 года комбінат быв переведеный на выпуск збиралної мебели.Постановление Совета министров УССР № 445 от 27 августа 1970 г. "Про стан використання виробничих потужностей на промислових підприємствах лісової і деревообробної промисловості"
У цілому, в рядянськый час Тересвюськый деревообробный комбінат треста "Закарпатлес" входив у число ведучых фірм села тай Тячувського района.Тересва // Большая Советская Энциклопедия. / под ред. А. М. Прохорова. 3-е изд. том 25. М., «Советская энциклопедия», 1976.Тересва // Украинская Советская Энциклопедия. том 11 кн.1. Киев, «Украинская Советская энциклопедия», 1984. стр.118
По проголошіня незалежности Украйины, державна фірма была перероблена в удпертоє акціонерноє сполоченство.
Пудміткы
Удкиланя
Сторунка комбіната в каталозі ведучых фірм в Украйины Катеґорія:Тячувськый район Катеґорія:Фірма