Климо́виця (мад. Kelemenfalva) (чис. Klimovice) (рум. Klîmovîțea) (укр. Климовиця) (пол. Kłymowycia) — село у Хустському районови (бывшый Иршавскый район), Закарпатьской области, Украйины.
Назва У разні часы у зависности уд державы и періода назва села міняла ся, туй є хронолоґія: 1645- Kelemen Falwa, 1773- Kelemenfalva, Klimovicza, 1808- Kelemenfalva, Klimowica, 1851-Kelemenfalva (Klimovicza), 1877-Kelemenfalva, Klimovica, 1913- Kelemenfalva, 1925- Klenovice, 1930- Klimovice, 1944- Kelemenfalva, Климовица, 1983-Климовиця, Климовица (ZO).
Ґеоґрафія Село Климовиця лежить у 12,5 км на северо-запад уд бывшого районного центра, фізична далина до Киёва — 575,0 км.
Історія Село первый раз ся споминать у 1600 році.
12 фебруара 1939 року одбыли ся выбори до Сойма Карпатьской Украйины, на якых абсолютну векшыну допущеных выборцю̄в (близко 92,4 %) здобыли кандидаты УНО. У селі Климовиця, якоє было у округови Иршава, за УНО проголосовали 125 выборцю̄в, против — 21.
2-3 юна 2018 року в селі у рамках першого відкритого фестивалю мистецтв імені Адалберта Ерделі у дворови Климовицькой ЗОШ I—II ступеню̄ было удкрыто и осячено памнятник основоположникови закарпатьской школы живопису Адалбертови Ерделі (скулптор Андріан Балог, архітектор Борис Кузьма).
Обывательство У селі на 2001 рӯк живе 397 людий, из них подля языка: ЯзыкЧисло особПроцентукрайиньскый39298,74 %руськый41,01 %словеньскый10,25 %
Реліґія Деривляну цирьков у селі споминавуть у єпархіальных документах за 1778 рӯк.
Типирішню деривляну цирьков построєно доста пӯздно, но у добрых традиціях. Необычным є хыба што бокові притворы, не характерні для старых деривляных церьков, и иппен файный торнадз на різьбленых стовбчиках.
За споминами Павлины Котубей, орґанізовали и провели споруджіня церкви братя Илько, Симко, Иван тай Гриць Котубеї, а місто дала жона, яку звали Вендзелиха.
Пиля церкви — традична двоярусна дзвӯниця каркасной конструкції и трёма дзвонами. Єден великый дзвӯн удлив Ріхард Ґеролд у Хомутовови у 1924 pоці, другый — Ф. Еґрі у 1935 (очевидно, сись дзвӯн заказав Юрій Котубей, сын Илька). Мурованый крест пиля дзвӯници поклали у 1932 році. Типирь, богужаль, и цирьков, и дзвіницю оббито бляхов. У кӯнцёви 1940-ых рокӯв у присілкови Черенникы, постройили малиньку деривляну православну цирьков, шо простояла леш пару рокӯв.
Туристичны міста
памнятник основоположникови закарпатьской школы живопису Адалбертови Ерделі.
традична двоярусна дзвӯниця каркасной конструкції из трёма дзвонами. Єден великый дзвӯн удлив Ріхард Ґеролд у Хомутовови у 1924 pоці, другый — Ф. Еґрі у 1935.
Знамі Родаци
У селі родив ся изнамый по Европі малярь Адалберт Ерделій. У селі 16 юна 1948 року родився судя Конституціонного Суда Украйины Володимир Михайлович Кампо. Награжденый орденом «За заслугы» III ступеня. Кандидат юридичных наук, доцент. Заслуженый юрист Украйины. Базё Иван Володимирович (1971—2023) — доброволець, участник русо-украйиньской во̄йны.
Удкликованя
Облікова карточка на сайтови ВРУ Погода у селі Климовиця Катеґорія:Села Закарпатьской области Катеґорія:Статя написана Боржавськым діалектом Катеґорія:Села Катеґорія:Села подля краины Катеґорія:Села Україны Катеґорія:Населены пункты Катеґорія:Населены пункты подля країны Катеґорія:Населены пункты подля алфавиту Катеґорія:Населены пункты Украины Катеґорія:Населены пункты Закарпатской области