О́бласть є адміністратівна єдиніця Україны. Україна є роздїлена на 24 адміністратівных областей (). Україна є унітарный штат, в дослїдку чого области мають лем тоты компетенції, котры їм признав україньскый устав.Конституція України - Розділ IX. ТЕРИТОРІАЛЬНИЙ УСТРІЙ УКРАЇНИ Процитовано 31 липня 2024 Непозераючі на то, же Україна є унітарный і недїлимый штат, єствують сполоченьскы і політічны роздїлы меджі северныма і западныма і южныма і выходныма частями країны. Повод того внуторного роздїлїня країны повязане з тым, же западны области были припоєны к Україньской совєтьской соціалістічной републікы на основі пакту Ріббентроп-Молотов в роках 1939–1940, причім передтым были частёв Румуньска і Польска — Северна Буковина і выходне Польско. Підкарпатьска Русь, котра была частёв Чехословакії в роках 1918–1939 і Мадярьска в роках 1939–1944 была к СССР офіціално припоєна в роцї 1946 як Закарпатьска область. Остаток Україны тогды быв частёв Совєтьской Росії і СССР од року 1919 і перед Першов світовов войнов быв частёв Російской імперії од 18. стороча і такым чіном підлїгав русіфікації і російского впливу. Особитов главов Крымского полоострова, котрый є обываный переважно Росіянами і частёв Україны ся став в роцї 1955. Дослїдкы такого бурливого розвою Україны мож задати ай днесь, кедь можна слїдовати великый розкол обывательства подля ґеоґрафічной пологы.
Теріторія Україны ся дїлить на найвысшы уровни (27 субєктів): на 1 автономну републіку (Крым), 24 области і 2 міста зо шпеціалным статусом (м. Кієв і Севастополь). Севастополь лежачій на Крымі не є частёв Автономной републікы Крым.
Автономна републіка Крым і місто Севастополь суть од року 2014 предметом російской анексії і Україна не має над тыма реґіонами жадну контролу. Україна ани векшына світа їх то непризнає, также де-юре оставать тоты єдиніцї частёв Україны. Четыри области Україны переважно окупованы Росіёв (Донецька, Луганьска, Херсоньска і Запорізька области) ся концём септембра 2022 стали частёв Російской федерації на основі незаконных референдумів о припоїню к Росії. Выслїдкы референдумів і їх вывой были меджінародно спохыбнено і векшына штатів ОСН їх непризнала. Окрем Луганьской области Росія не має повного контролу над теріторіями жадной з тых областей.
Список областей Найвекшов подля розлогы областьов є Одеська область — 33310 км², а найменшов —Чернівецька — 8097 км². Область По україньскы Головне місто Вінницька область -{Вінницька область}- Вінниця (-{Вінниця}-) Волиньска область -{Волинська область}- Луцьк (-{Луцьк}-) Днїпропетровска область -{Дніпропетровська область}- Днїпро (-{Дніпро}-) Донецька область -{Донецька область}- Донецьк (-{Донецьк}-) Жытомирьска область -{Житомирська область}- Жытомир (-{Житомир}-) Закарпатьска область -{Закарпатська область}- Ужгород (-{Ужгород}-) Запорізька область -{Запорізька область}- Запоріжя (-{Запоріжжя}-) Івано-Франківска область -{Івано-Франківська область}- Івано-Франківск (-{Івано-Франківськ}-) Кієвска область -{Київська область}- Кієв (-{Київ}-) Кіровоградьска область -{Кіровоградська область}- Кропивницькый (-{Кропивницький}-) Луганьска область -{Луганська область}- Луганьск (-{Луганськ}-) Львівска область -{Львівська область}- Львів (-{Львів}-) Миколаївска область -{Миколаївська область}- Миколаїв (-{Миколаїв}-) Одеська область -{Одеська область}- Одеса (-{Одеса}-) Полтавска область -{Полтавська область}- Полтава (-{Полтава}-) Рівненьска область -{Рівненська область}- Рівне (-{Рівне}-) Сумска область -{Сумська область}- Сумы (-{Суми}-) Тернопільска область -{Тернопільська область}- Тернопіль (-{Тернопіль}-) Харьковска область -{Харківська область}- Харьков (-{Харків}-) Херсоньска область -{Херсонська область}- Херсон (-{Херсон}-) Хмельницька область -{Хмельницька область}- Хмельницькый (-{Хмельницький}-) Черкаска область -{Черкаська область}- Черкасы (-{Черкаси}-) Чернівецька область -{Чернівецька область}- Чернівцї (-{Чернівці}-) Чернїгівска область -{Чернігівська область}- Чернїгів (-{Чернігів}-)
Колишнї области Дрогобичска область Ізмаїльска область Крымска область
Референції
Поз. тыж Адміністратівна єдинка Україны Область Реґіон
*