Выкричник ци воскличник — пунктуаційный знак, котрый ся обычно кладе у кунци речіня и майчасто выражат силні емоції вадь дає акцент на обсяг речіня. Выкричник як самостуйна іконка став символом на означованя потребы звернути увагу, наприклад у варувучых дорожных знаках. У прямуй бесіді выкричник годен указовати на тото, ож персонаж гойкат, є зачудованый авадь шокованый.
Другі хоснованя выкричника:
У математиці означує факторіалы. У подакотрых языках проґрамованя выкричник перед выразом указує на лоґічноє запереченя (NOT). Наприклад, !A значит „не A“. Комбінація != годна значити „не рувноє“. Поєдны языкы, як и Межинародный фонетичный алфавіт, хоснувут знак (, дуже похожый на выкричник, на означіня клынцовых согласных.
Ґрафічно выкричник узират як цятка из вертикалнов линійов над нив. Выкричник годен ся хосновати уєдно из звідалником, трьома цятками вадь у виді дакулкох выкричникув, залежно на ефект авадь тон, котрый автор текста хоче передасти.
В Юнікодови выкричник представленый як .
Поєдны языкы мавут специфічноє хоснованя выкричника; наприклад у іспанському ся хоснує перевернутый выкричник (U+00A1 ¡ inverted exclamation mark) на зачаткови речіня, а пак обычный у кунци: , „Мало сь ї не убив!“ — айбо кой выкричник ся хоснує удну партичок, обы указати на іронію вадь зачудованя тверджіньом, перевернутый еквівалент ся не пише: , „Ун уповів, ож не йде днесь на вечуркы (!)“.
Історія Історія выкричника як пунктуаційного знака досігат у Середні вікы: писарі часто додавали вшелиякі значкы у рукописы, обы указовати на зміны в тоні, павзы авадь акценты. Межи нима быв punctus admirativus („знак восторга“) — знак, візуално похожый на сучасный выкричник, котрым указовали ся восторг, чудованя и другі силні емоції. Опис першого сучасного хоснованя выкричника приписує ся таліянському ученому Алпоеї да Урбізалії и датує ся 14. сторочам. Подля літераторкы 21. стороча Флоренс Гезрет, да Урбізалія „дуже ся миреґовав“, ож челядь читала тексты монотонно, даже тоты, котрі мали передавати силні чуства.
Зазначкы
Катеґорія:Пунктуація Катеґорія:Украинскый язык Катеґорія:Статя написана верьховинськым діалектом