Ґейб Ло́ґан Ню́ел (; рожд. 3. новембря 1962), ищи знамый пуд псевдонімом Ґабен авадь Ґейбен (уд ), є америцькый бізнісмен. Є презідентом и єдным из заложитилю відеобавкової компанії Valve Corporation.
Нюел уродив ся у штаті Колорадо, а вырус у вароши Дейвіс, Каліфорнія. У 1980. ходив у Гарвардськый універзіту, айбо го лишив, убы приступити д фірмі Microsoft, де помагав робити пирьві вирзії операчної сістемы Windows. У 1996. годови з колеґом Майком Герінґтоном лишили Microsoft и заложили Valve, фінансувучи розвуй пирьвої бавкы — Half-Life (1998). Герінґтон удыйшов у 2000. годови.
Нюел вюг розвуй цифрової платформы дістрібуції Steam, котра была запущена в 2003. годі тай до 2011 контроловала булшость рынка стирьханых бавок на ПК. На 2021, Нюел мав читвирть компанії Valve. Є оціньованый гий єден из майзаможных людий у США и найзаможный чоловік у відеобавковуй индустрії з власностьов коштувучов $3.9 міліярда (на 2021). Ун є власником морської злядацької орґанізації Inkfish тай невронаучної компанії Starfish Neuroscience.
Молоді годы тай вошколованя Нюел уродив ся 3. новембря 1962. года в Колораді й ходив у старшу серидню ошколу в Дийвізі, Каліфорнія. Робив рознощиком ґазет, а май потум телеґрафічным курєром у Western Union. У 1980. годі поступив на Гарвард, айбо в 1983. годови го перивбідив голова удділа продажі пуйти з універзіты тай іти робити до Microsoft.
Карєра
Microsoft Нюел провюг 13 году у Microsoft гий продюсер пирьвых трьох вирзій операчної сістемы Windows. Май потум говорив, што за пирьві три місяці в Microsoft навчив ся булше, гий за цілоє ошколованя в Гарвардови — и то была єдна з главных причин, чого ун пуйшов из універзіты.
Пуд куниць 1995. года стрілялка Doom (1993) уд id Software была установлена на булшому числови компютеру у світови, гий новый сістем Windows 95. Нюел уповів: «[id]… и не продавали ся в бовтах — лем через бюлетинні дощкы тай инакі доинтернитні способы. Діля мене то быв гий удар грома. Microsoft узяли 500 людий команды продавцю, а вся тота компанія мала 12 людий — и зотворила майпоширеноє проґрамноє засобованя у світі. Пудходила револуція». У Microsoft Нюел вюг проєкт переношіня Doom на Windows 95, што помогло зробити Windows ґеймерськов платформов.
Valve Одушевленый Майклом Абрашом, котрый лишив Microsoft, убы робити над бавков Quake у id Software, Нюел в рокаши з другым робутником, Майком Герінґтоном, 24. августа 1996. года лишив Microsoft и заложили відеобавкову компанію Valve. Нюел выбрав заложити Valve місто пинзії, бо чув, што робити з «другыма поправді розумными, мотівоваными, соціялно орієнтоваными людми над продуктом, котрый змінит житя міліону» — то діля нього «майвеселоє, што лем мож было робити».
Нюел и Герінґтон самі фінансовали розробку пирьвої бавкы уд Valve — стрілялкы уд пирьвої особы Half-Life (1998), котра стала великым успіхом гий и меже крітіку, так и в комерційнум планови. Герінґтон лишив компанію в 2000. годови.
Діля розробкы Half-Life 2 (2004) Нюел не поклав ниєдного дедлайна й надав «практічно неограниченый» бюджет, обіцявучи при потрибі фінансовати проєкт свойими грушми. У тот час Valve майжек збанкротовала позад судового діла з компанійов Vivendi Games. Діло помуг кончити стажист, котрый найшов імийл, у котрому Vivendi нищила доказы.
Паралелно Нюел дакулько місяцю робив над Steam — цифровов платформов про розусяжіня бавок. Д 2011 году Steam контроловав уд 50% ід 70% рынка стирьханых ПК бавок и приносив булшость приходка Valve.
На технолоґічнуй конференції в Сіетлови того же года Нюел указав, што майліпшоє бойовати з піратством не через антіпіратські технолоґії, ай через пропозицію ліпшого сирвіса. Ун навюг приклад успіха Steam у Росії, де піратство было дуже поширеноє.
У 2007 годови Нюел быв не радый розвойом бавок діля консолий, называвучи розробку діля PlayStation 3 уд Sony «трачіньом часа діля всьых». Айбо вже на сцині пуд час головної презентації Sony на E3 2010, ун нагадав за свої спередущі крітікы, удзначив удпертость PlayStation 3 и оголосив порт Portal 2 тай заявив, што из пудпоров Steamworks се буде майліпша вирзія діля хоть якої консоли.
Нюел тоже крітіковав сирвіс Xbox Live, называвучи го «катастрофов» тай сістему Windows 8, рахувучи ю угрозов діля удпертости ПК-ґеймінґа. На конферинції LinuxCon 2013 ун заявив, што Linux и удпертоє проґрамованя — то «будучность ґиймінґа», убвиновав запирті сістеми, гий у Microsoft и Apple, у торможіньови инновацій позад помалых процесу сертіфікації.
У 2009. годови IGN включив Нюела до списка 100 майвызначных творцю відеобавок всьых часу, кажучи, што «вплыв Valve на дізайн, технолоґії тай індустрію відеобавок практічно не мож оцінити». У децембрьови 2010 Forbes именовав го «Имньом, котроє гія знати» — головно позад Steam, котрый мав партнерства з многыми великыми розробниками.
У 2013. годови Нюела было уведено до Залы славы Academy of Interactive Arts & Sciences и нагорожено почиснов премійов BAFTA Fellowship за внесок у відеобавкову индустрію. У октобрі 2017. года Forbes уключив го до списка 100 майзаможных людий США з оціньованым статком у $5.5 міліярда. У децебрьови 2021. года Forbes оцінив го власность на $3.9 міліярда и пудтверьдив, што ун має хоть читвирть компанії Valve. За словами Чарлі Фіша, автора Історії відеобавок, на 2021 гуд Нюел быв майзаможным чоловіком у відеобавковуй сфирі.
Инакі фірмы Нюел є власником морської злядацької орґанізації Inkfish. У новимбрьови 2022 Inkfish купила Hadal Exploration System — пріватну платформу діля глубинного пудводного згляданя — уд морського злядовалника Віктора Весково. А в 2020. годови Нюел в рокаши з робутником Valve Янном Бернє зотворили команду автомобілных перемагань The Heart of Racing діля збираня гроший на дітинську милость у Сієтлови тай Новуй Зеландії.
Заробуток У октобрьови 2017. года Forbes дав Ґейба Нюела у испис 100 майзаможных людий у Споєных Штатах, из оцінков у приблизно $5.5 міліярда. У децембрьови 2021 Forbes оцїнив го у $3.9 міліярда и уповів, же ун має не май мало гий читвирть фірмы Valve. Подля Чарлі Фіша, автора книжкы „Історія відеобавок“ (The History of Video Games), Нюел быв у 2021. годови майзаможным чоловіком у відеоібавковуй индустрії.
У 2024 годови Forbes уповів, же Нюел має 50.1% Valve и має чистої вартости $9.5 міліярда.
Личный живут
Нюел перед тым быв бетежный на дістрофію Фукса — то є уроженый битюг, што вплыват на роговку ока. У 2006 тай 2007 зробили му дві пересадкы рогувкы, и ун ся докус вылічив.
У тот самый динь, коли в рокаши з Майком Герінґтоном заклали компанію Valve, Ґейб женив ся з Лісов Меннет. Уни мали двох сыну. Нарожіня пирьвого сына у кунци 1990. году йих одушевилона зотворіня фіналного боса у Half-Life Нігіланта, бо тогды думали, же родити дітину — то майстрашноє, што мож си представити. На 2019 гуд Нюел із Меннет ужек были розвидині.
У 2011. годови Нюел повів, же його любимі відеобавкы — Super Mario 64, Doom и вирзія бавкы Star Trek із 1971 года на головному компютерови Burroughs — то была пирьва бавка, у котру ун бавив. Doom го увірив, же будучность забав — у відеобавках, ай Super Mario 64 му доказала, же бавкы можут быти умільством.
Нюел быв фанатом серіала My Little Pony: Friendship Is Magic. Ун записав голосовый пакет до бавкы Dota 2 уд Valve, де з гумором включив свої фразы й фіґлі.
У ґиймерському комюніті Нюел знаный гий Gaben (Ґабен), што выходит из його робочого імийл адреса. Сам повів, же старав ся привыкнути до свойої публічної особы: «[Фаны] мене убнимавут, коли стрітят. А я ниєм обнімалник, айбо йим то гія. Я быв из дітми, коли то стало ся упирьвоє — діти то прийняли, а я ніт. Уни казали: „Няню, прийми то супокуйно.“ И до типирь ся учу уд нашых хосноватилю.»
Нюел быв из цімборами в Новій Зеландії, коли спустила ся пандемія COVID-19, и вырішив лишити ся в Оклендови, кідь уж подорожні убграничіня были зняті.
Гий высловліня дякы за гостинность Новуй Зеландії, ун из другыми зорґанізовали здарьну подію We Love Aotearoa из живыми выступами музичных артісту з цілої крайины. Подія мала й VR-стенды з бавками уд Valve, гий Half-Life: Alyx тай The Lab.
Подвю прийшло ся перенести з авґуста на децимбирь позад локдауна, вызваного другов габов COVID-19. Нюел в октобрьови 2020 попросив за резідентство в Новуй Зеландії, айбо скоро ся вернув до Сієтла в 2021. годови.
Удкликаня
Подальше читаня
Катеґорія:Жыючі люде Катеґорія:Уродили ся 1962 Катеґорія:Уродився у новемброви Катеґорія:Люди котрі робили в Microsoft