Ґрісі́ні (, множина ; по пємонтськы ghërsin, ) сут паличкы из хрумтячого хліба, розміром дас як церузкы. Ґрісіні походят из таліянського вароша Турін у Пємонтови.
Історія Єдна из верзій походжіня ґрісініюв датує їх вынаходжіня роком 1643: флорентійськый абат описав довгый, „тонкый ги кустка“ хліб, котрый ся паровав у Ланцо Торінезе, варощику коло Туріна. Подля традиції межи тым ся держит, ож ґрісіні пушли из реґіона Пємонта у 17. сторочу, и унайшов їх пекарь Антоніо Брунеро из Туріна. Тото їдіня ся задумововало про герцоґа Віктора Амадея ІІ. Савойського, котрый у дітинські рокы мав проблемы з травліньом.
Подача У таліянськых ресторанах ґрісіні ся часто подавут ги закуска перед основным їдіньом (антіпасто), из хлібом авадь умісто нього. Они щи ся знавут подавати з другыма інґредієнтами, наприклад прошутом. Така традиція перейшла пак и у Споєні Штаты Америкы, де напр. популарна сітка ресторанув Olive Garden подає задарьні ґрісіні.
У многых сіверноамерицькых ресторанах ґрісіні мнягкі, часто ся мастят маслом, посыпавут ся чесноком, сыром; ги десерт, на них знавут давати корицю, цукерДакулко референцій:
тай ґлазур.
Сушені ґрісіні в Італії ся продавут на торгах тай ся їдят у тому числі самі, ги закускы.
У Валенсійськум сполоченстві в Іспанії екзістує иншакый рецепт ґрісінюв, котрый ся называт роскілеты ().
Референції