Ардове́ць (исторична назва) або Подвиногра́дов (сучасна официйна назва), ( Ардǘв;Карпаторусинскі поселеня // Лішта сел и варошув у Централнуй Европі, де днесь бывавуть вадь даколы бывали Карпаторусины // Составитель: Михаил Капраль. // Кроатика – Будапешт, 2021, 96 c.; см. стор. 54. Підвиноградів, Szőlősvégardó) — село в бывшом Виноградовском, од року 2020 Береговском районѣ Закарпатской области Украины.
История Село первый раз споминать една давна мадярска грамота з року 1295, тогды ся называло Ordov. Закладателями села были лѣсовы пограничны охранцѣ, котры были повинны охраняти кральовскы лѣсы и застачати кральовску кухню дичинов. Така служба ся зачала од XIII. стороча, коли в Мадярском кральовствѣ взникла панщина. Первы обывателе были римокатолици, але в XV. сторочу перешли до реформатской вѣры и поставили церкву, котра выстояла до року 1912, была подремонтована, але в року 1950 была демонтована через зветешнѣлость. Грекокатолицкы обывателе спомянуты первый раз в року 1693 в церковных хрониках, тогды их священиком быв отець Андрѣй, и мали деревяну церьков, а од конця XIX. стороча уже мали муровану.Marosi, Anita: Kárpátalja anno: Szőlősvégardó По первой свѣтовой войнѣ Мадярске кральовство утратило Подкарпатску Русь на хосен Чехословакии подля Трианонского мирного договора, але в року 1938 наслѣдком Первой вѣденьской арбитражи достало ю назад. В чехословацкой добѣ село мало назву Ардовець. и входило до Севлюшского округу. На вшиткы уряды (нотарьскый, поштовый, даньовый, жандарьскый, судовый) требало ити до Севлюша.https://kramerius5.nkp.cz/view/uuid:4726c9d0-b7de-11dd-a769-000d606f5dc6?page=uuid:18fc6000-a118-11e8-ba56-5ef3fc9bb22f (1922) В списованю року 1930 заевидованы 1430 обывателе, з того: Русины — 1231, Мадяре — 88, Евреи — 81, Нѣмцѣ — 7, Чехы и Словаци — 5, чужоземцѣ — 18. Грекокатолицка громада была найвекша и мала 1196 вѣрникох и муровану церкву Св. Юря з 1912. року. В селѣ были русинска школа (5 клас).Ярослав Достал По другой свѣтовой войнѣ з цѣлов Подкарпатсков Русьов вошло до УССР. В року 1946 найвысша рада УССР село Ардовець переименовала на Подвиноградов, под претекстом "збереженя историчных назв".
Жерела и одказы Ярослав Достал. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Ярослав Достал. Підкарпатська Русь (Закарпаття періоду Чехословацької республіки: 1919–1938)
Референции
Катеґорія:Села Закарпатьской области Катеґорія:Населены пункты Закарпатской области Катеґорія:Населены пункты Украины