Ќ, ќ («ќе», «қє») — кирилична буква, шеста буква македоньского алфавіта, яку хоснувуть на позначеня бездзвӯнкого твердопуднебенного прорывного звука (/c/) авадь бездзвӯнкого ясенно-пуднебенного африката (/tɕ/). Слова из сим звуком часто зоставны из серьбскыми словами, де хосновано ћ. Наприклад, македонське слово «рождіня» мать такый вид ге раќање, а у серьбскӯм языкови оно мать вид раћање/raćanje.
Исю літеру (ге и даякі другі) было введено у македонськый алфавіт 4 децембра 1944 року за резултатами голосованя членӯв «філолоґічной комісії из установленя македоньского алфавіта тай македоньского літературного языка» (9 голосӯв «за», 2 голоси «против»); алтернативов было хоснованя серьбской буквы ћ, айбо ёго было удклонено, часточно через апелёвання до принциповой разници миже македоньскым тай серьбськым выговором.
Знак ќ є видоизміненыв кириличныв буквов к, яка происходить уд грецькой гаммы. У алфавітови ќ занимать місто не пиля к, а пӯсля т, там, де стойить ћ у серьбскӯм алфавітови.
У глаголици была буква Ⰼ («гъерв»), чіёє фонетичноє значеня могло быти близкым до македоньской ќ.
«Глухым удповідником» ќ у македоньскӯм алфавітови є буква ѓ.
Удкликованя
Иван Кочев, Иван Александров. Документы за съчиняването на «македонския книжовен език» // Македонски преглед (Macedonian review). Списание за наука, литература и обществен живот. Година XIV, книга 4 (София, 1991). Стр. 17. . Катеґорія:Кірілічны буквы Катеґорія:Буквы за алфавітом Катеґорія:Македоньскый алфавіт