Гать — село в Береговской громадѣ, Береговскый район, Закарпатска область Украины. Обывательство села подля списованя року 2001 было 3122 особы. Село лежить о 12 км на сѣвер од райцентра Берегово на западному березѣ Чорной мочари, найвекшого з болот Подкарпатской Руси.Иван Поп До села належить тыж приселок Чикош Горонда.
История Перва документована упоминка о селѣ датована роком 1359,Sebestyén Zsolt але в памяти тутешных людей еще жие легенда, о том, же околичны болота охранили село од спустошѣня в часѣ татарской навалы (1241), а тыж в споминках краля Иштвана V. з року 1272 пише ся о селѣ, котре лежало межи болотами. Назва Гать славянского походжѣня, перебрана до мадярского языка во формѣ Gát. Причина той назвы в тому, же Чорна мочарь в давных часох терпѣла на страшны заплавы, а село лем так могло обстати, кедь было обгороджене гатями. Легоцкый пише тыж, же в тых часах гать означала часто и дорогу, фашины, прокладены, жебы мож было переходити по мочарях.
В року 1930 в селѣ Hať (Gát) заевидовали 2005 обывательох: 1600 Мадяре, 307 Русины, 43 Евреи, 19 Чехы и Словакы, 8 Нѣмцѣ, 27 чужоземцѣ (без чехословацкого горожанства), 1 иншой/невыясненой народности. Религийна громада евангелистох числила 1485 особ, а мала муровану церьков од року 1834. В селѣ были нотарскый и жандарскый уряды, ходив державный автобус. Школы: реформатска мадярска (4 класы) и три русинскы еднокласны: на мѣстѣ и в приселках Чикош Горонда и Нярош Горонда (днесь заниклому).Достал, с. 32.
Од року 1946 официалнов украинсков назвов стало ся Гать, што одповѣдало мадярской назвѣ Gát ай чехословацкой Hať, котры были перед тым.
Администрация Адрес администрации : Гатянська сільська рада 90231, Закарпатська обл., Берегівський р-н, с. Гать, вул. Головна, 56-а
Язык Село переважно мадярскоязычне. Подля списованя року 2001 материнскый язык обывательства быв:https://socialdata.org.ua/projects/mova-2001/ Рідні мови в об'єднаних територіальних громадах України ЯзыкОсоб%%мадярскый294194.20%украинскый1705.45%русскый70.22%иншый/не выясненый40.13%Укупно3122100%
Вызнамны родаци Гизелла Ципола (*1944), оперна спѣвачка
Жерела
Ярослав Достал. Підкарпатська Русь (Закарпаття періоду Чехословацької Республіки: 1919 - 1938 pp.) Путівник-довідник. Ужгород: Карпати, 2014. - 312 ст. ISBN 978-966-671-374-5
Референции
Катеґорія:Населены пункты Закарпатской области Катеґорія:Населены пункты подля алфавиту Катеґорія:Села Україны Катеґорія:Населены пункты Украины