Юлий Фелдеши, Julius Földessy, Földessy Gyula (*7. септембра 1875, Собранце – †1947, Самбор) быв чехословацкый и мадярскый политик русинской народности з Подкарпатской Руси од партии Автономный земледѣлскый союз (АЗС).
Уродив ся яко Юлий Федоринька, в року 1899 мадяризовав свое имя з официалного дозволу на Юлия Фелдеши (Földessy Gyula).A 75976/1899 sz. BM. rendelet szerint engedélyezve. Forrás: Névváltoztatási kimutatások 1899. év 8. oldal 34. sor
Школованя Закончив ужгородску гимназию и грекокатолицку учительску семинарию. Зачав ся выучовати типографску и выдавательску роботу в мѣстном выдавательствѣ Бартоломея Йегера (Bartolemy Jäger).Іван Поп Сѣм рокы учив ся в розличных типографиях Мадярщины и за границьов, зокрема в Мюнхенѣ.Биография
Выдавательска робота Од року 1899 став ся директором грекокатолицкого выдавательства Общества Св. Василия Великого, а од року 1902 — його наступника, выдавательства UNIO. В року 1907 купив од Йегера його выдавательство и майже четыри десятьроча выдавав русинску литературу под властнов значков выдавательства Фелдешия. В часѣ Первой свѣтовой войны служив на русском фронтѣ и уже в року 1914 быв раненый около Ужка. До Трианона редаговав и выдавав новинку Határszéli Újság (Новины Погранича), котра была органом Партии Кошута. По русинскы выдавав Русский Вѣстник, орган партии Автономный земледѣлскый союз (АЗС).
Од самого зачатку выдавательство Фелдешия много зробило про русинску културу. Выдавали грекокатолицкы молитовникы, русинскы пьесы ай иншу литературу, и векша часть тых книг продавала ся в Америцѣ, де были три торговы филиалкы: в Ню Йорку, Питтсбургу и Кливлендѣ.
В року 1945 выдавательство было национализоване совѣтскым режимом, а його газда трафив до арешту, обвиненый з колаборации з фашистичным режимом. Умер в арештѣ в часѣ розслѣдованя, так и не доживши до остаточного засуду.
Политична чинность По Трианонѣ быв подпредсѣдником партии Автономный земледѣлскый союз (АЗС). В роках 1935–1938 сенатор чехословацкого парламентаПарламент мав двѣ палаты: палата посланцьох (300 особ) и сенат (150 особ). од АЗС. В парламентѣ домагав ся автономии Подкарпатской Руси, при тому границѣ русинского краю мали на западѣ сягати по Штрбске плесо, а за главный город мали быти Кошицѣ; чешска влада на то пробовала спочатку финансово знищити його выдавательство, а пак подкупити го, понукнувши поземок на 300 голды поблизу мѣста Шатораяуйгей.
По Вѣденьской арбитражи Ужгород быв прилученый ку Мадярскому кральовству (2.11.1938), а 20.1.1939 сенатор Фелдеши збавленый мандату наслѣдком розпущеня партий на Подкарпатской Руси. Наступно, в марцу 1939, коли цѣла Подкарпатска Русь была анексована, Фелдеши зостав менованый радником Миклоша Козмы, регентского комисара краю, и кооптованый за посланця мадярского парламенту (1939–1944).
Жерела Биография a Magyar Országgyűlési Almanach 1939-1944-ben. Hungaricana, hozzáférés: 2024. február 17. Іван Поп: Фелдешій Юлій (Julius Földesi ; Földessy Gyula) Сс.778–779
Референции
Категория:Русины Категория:Выдавателе Катеґорія:Чеськословеньскы політіци русиньской народности Катеґорія:Посланцьове парламента