Вóля мі́гова () є село в Польску в повітї Санок в Підкарпатьскім войводстві, котре было до акції Вісла лемківске. Належить до ґміны Команьча.
Історія
Село было заложене на основі волоського права в роцї 1546 як кралёвскый маєток. В данёвым реґістрї х року 1565 є уведженый руськый священик (піп), што свідчіть о екзістенції церькви. В роцї 1730 село здобыло штатут міста.
До року 1772 належало до Руського войводства, земля Саночка. Од року 1772 стратило штатут міста і належало к ліському бецірку самбірьского ціркулу Галічі. На кінцї 19. стороча мало 840 обывателїв, з того 240 Жыдів. Каждый рік ся ту одбывало 6 ярмарків. В роцї 1843 была поставена камняну церьков святого Миколая. В роцї 1895 была побудована узкорозходна желїзніця з Нового Лупкова до Тісны.
В роцї 1927 мало село 777 обывателїв (з того 148 Жыдів).
Перед выгнанём Лемків в роцї 1945 до СССР і депортаціёв в роцї 1947 у рамках акції Вісла была у селї ґрекокатолицька парафія Лупківского деканату.
По другій світовій войнї было тото горьске село притулком про войска УПА. Было часточно знічене, решта было знічене в роцї 1950 (окрем декотрых домів в Малій Волї), меджі ныма ай дзвоніця і калпічка, і в роцї 1953 ай костел. На місто Лемків ся настяговали Поляци.
Сучасность
Заховали ся остаткы жыдівского і лемківско-україньского цінтерїв.
В роцї 2010 быв поставеный костел.
Референції
Жрїдла
Egon Erwin Kisch, Zapisz to Kisch!, Warszawa 1957. Wojciech Wesołkin, Wola Michowa i okolice, Sanok 2010. Wojciech Wesołkin, W dorzeczu Osławy cz. I. Wola Michowa - wieś, miasto i gmina zbiorowa, Bieszczad 15, Ustrzyki Dolne 2009, s.126-167
Катеґорія:Лемківскы села в Польску Катеґорія:Саноцькый повіт