Дми́тро Висло́цкый, Дми́тро Фе́дорович Висло́цький (псевдо — Ваньо Гунянка (*4. новембер 1888, Лабова — †28. децембер 1968, Львів) — писатель, товмач, новинарь, сполоченско-културный дѣятель з Лемковины.Микола МушинкаБогдан Горбаль: (2010)Богдан Ґамбаль (27. 12. 2018)
Дмитро Вислоцкый уродив ся 4. новембра 1888 в Лабовой, великом селѣ при Санчи на западѣ Лемковины. Учив ся в сандецкой гимназии, котру скончив в року 1910. Такой ся записав на правничу факулту Львовской универзиты, але неодовго, же не мав доста гроши на заплаченя штудий, мусѣв зачати роботу. Прияв службу настоятеля руськой бурсы в Бучачи. Од року 1912 зостав сполупрацовником в тыжденнику «Лемко» в Новом Санчи, пак в Горлицях (1913). В року 1914 перенес ся до Перемышля, де выдавав новинку «Русская земля».Обѣ новинкы были москвофилского характеру.Красовський І. Д. (2005)Лемкин И. Ф.
Хоть редакцийны тексты му часто были неподписаны, суть то тексты Вислоцкого, котры з часом печатав под псевдонимом Ваньо Гунянка (зрѣдка хосновав псевдоним Іван Політика), легко их познати подля свойфайтового стилю и формы. Найчастѣйше суть то повны иронии редакцийны коментарѣ и сатиричны, жартобливы листы од вѣрного читателя. Часто тексты Ваня Гунянкы были заказаны цензуров и в «Лемку» видиме великы незапечатаны пролишкы з надписом «Конфисковано!».
Выход новинкы перервала Перва свѣтова война. Вислоцкый быв арештованый и на Вѣденьском судовом процесѣ (1917) быв засудженый на смерть в числѣ иншых 15 Лемкох. По закончѣню войны и роспадѣ Австро-Мадярщины быв амнестованый. Зачав активну сполоченску чинность членом-закладательом Руськой (по часѣ Карпато-Руськой) Народной Рады в Пряшовѣ, участником закладин Лемковской републикы Флоринкы (1918), секретарьом Централной Руськой Народной Рады в Ужгородѣ (1919), яка жадала прилученя вшиткых карпаторусинскых земель ку Чехословакии.
Вернув ся до новинарской роботы в русофилскых тыждньовых новинках «Голосъ русскаго народа» (1919) и «Русь» (1920).
В року 1921 побрав ся зоз сестров писателькы Ирины Невицкой Олгов Бурик из Уяка (нинѣ Удол) и даякый час працовав учительом в селѣ Чирч Старолюбовнянского окресу.
Переслѣдованый за свои политичны пересвѣдченя, в року 1922 емигровав до Канады, пак до США (1927). В року 1928 став ся редактором-закладательом двотыжденника «Лемко», быв сполузакладательом «Лемко-Союзу» в США и Канадѣ (1929–1999), котрого быв и секретарьом. «Лемко-Союз» при його спомозѣ набыв русофилскый и прокомунистичный характер. Року 1934 навщѣвив СССР и, вернувши ся до США, нагваряв Лемкох ити до совѣтского «раю».
На ХІІ. зъѣздѣ «Лемко-Союза» в децембрѣ 1945, Вислоцкый прилюдно оголосив, же рѣшив ся переселити до Совѣтского Союза. Авшак делегаты розказали му най иде на Лемковину яко кореспондент «Карпатской Руси». Вислоцкый пришов на Лемковину в маю 1946, коли векшина Лемкох уже выѣхала на Украину. Зато ай он выѣхав оселити ся до Ужгорода, а пак до Львова и одтам писав до лемковскых календарьох и до новинкы «Карпатска Русь».
Властны публикации Дмитра Вислоцкого суть розметаны по розличных новинках, котры редаговав. Писаны суть етимологичным правописом. Обсягують невеличкы росповѣсткы, вершы, курты драмы и статѣ на социалны темы.https://rusin8.webnode.ru/o-pisatjeljakh/gunjanka-vano/ Русинська Веб-книга: Гунянка Ваньо Даколи суть и неподписаны, лем подля характерного Гунянкового стилю, мож одгадовати, же суть з його пера.https://rusin8.webnode.ru/o-pisatjeljakh/z-ljemkoviny/nepoznaty-avtory/ Русинська Веб-книга: Непознаты авторы В добѣ, коли ся автор рѣшив переселити до СССР, а там видѣв, же «старый» етимологичный правопис не принимають, зачав писати украинизованым правописом. В року 1945 в Юнкерсу, Н.Й. «Лемко-Союз» выдав так одредаговану обширну зберьку (511 сторон) под назвов «Наша Книжка», де суть замѣщены и творы Ваня Гунянкы в дакус перекомпонованом форматѣ.http://lemko.org/pdf/VH1.pdf Наша Книжка
Жерела и одказы Богдан Горбаль: (2010) Вислоцький Дмитро //
Референции