Богдан Горбаль, Bogdan Horbal (*27. октобер 1965, Сьцинава, воеводство Долна Шлезия, Польща) — америцко-польскый историк, слависта, библиограф. Магистр (1996), доктор филозофии в сферѣ истории (2005). Автор робот о вызнамных Лемках и найважнѣйшых моментах лемковской истории.Paul Robert MagocsiСевериян Косовскій
Родичове Богдана Горбаля были в року 1947 выселены в рамках Акции Висла з Бортного и Мушинкы на западны «новоодзысканы» землѣ, и уже там ся им уродив сын Богдан. Там на Вроцлавской универзитѣ (1984–1989) штудовав историю ай ещи за штудентскых часох зачав публиковати свои лемкознавчѣ дописы. В новинцѣ «Голос Ватры», выдаваной з нагоды лемковскых ватр, в року 1988 опубликовав допис о Руськой народной републицѣ Лемкох и была то една з первых, пак вельо разы споминана ученыма статя, о державотворчих стремлѣнях Русинох на сѣверном боку Карпат, котру по часѣ розвив в магистерской роботѣ. Дѣяв в антикомунистичном «NZS»Незалежне Здружыня Студентів во Вроцлавѣ, быв при первых лемковскых Ватрах, котры горѣли на Лемковинѣ в роках 1983-1989, а по политичных перемѣнах року 1989, дале активно ся усиловав обродити русинскый дух в народѣ.Демко Трохановскій
В року 1990 емигровав до США. Выштудовав библиотекарство в Queens College в Новом Йорку (Магистер библиотекарства, M.L.S, 1998) и став ся сполупрацовником Нюйоркской публичной библиотекы.New York Public Library
По часѣ тему о державотворчих стремлѣнях Русинох на сѣверном боку Карпат найповнѣйше опрацовав, выдавши в року 1997 книжку Działalność Polityczna Łemków na Łemkowszczyznie 1918-1921. Автор статей о Лемках в Енциклопедии русинской истории и културыEncyclopedia of Rusyn History and Culture Од основаня новочасных лемковскых периодичных выдань — «Бесіда», «Лемківскый Календарь», «Лемківскый Річник», «Річник Руской Бурсы» — регулярно публикуе в них историчны статѣ.
З творбы Публикации Богдана Горбаля ся мѣряють на соткы. З головнѣйшых: Horbal B. Dzialalność polityczna Lemków na lemkowszczyźnie 1918–1921 Bogdán Horbal (The New York Public Library).Sprawa lemkowska na konferencji pokojowej w Paryžu w 1919 roku Публикации, доступны на сайтѣ Academia. edu
Жерела
Референции