Ко́рбін Блу Райверс (; 21. фебруара 1989) є америцькый актор и співак. Ун зачав свою професійну акторську карєру у другуй половині 1990. рокув, а у другуй половині 2000. рокув став знамым вдяку ролі Чеда Денфорта у трилоґії „High School Musical“ (2006–2008). Пісні из філмув щий трафили у чарты по вшыткум світі, а пісня „I Don’t Dance“ была у топ-70 чарта „Hot 100“ Billboard. Ун участвовав у 17. сезоні америцького шов „Dancing with the Stars“ („Танці из звіздами“).
Корбін Блу ся знимав у телесеріалови „The Beautiful Life: TBL“ (2009), кінах: „Jump In!“ (2007), „Free Style“ (2009), „The Little Engine That Could“ (2011), „Scary or Die“ (2012), „The Monkey’s Paw“ (2013), „To Write Love on Her Arms“ (2015), „Walk. Ride. Rodeo.“ (2019), „Remember Me: The Mahalia Jackson Story“ (2022) тай „Camp Hideout“ (2023).
Блу ся занимав музиков и выпустив дебутный албум „Another Side“ („Другый бук“) у 2007. році; албум дустав 36. місто у чарті „Billboard 200“, розыйшовши ся 18,000 копіями у першый тыжджень. Його другый албум, „Speed of Light“ („Скорота світла“) выйшов у 2009.
Театралный дебут Блу мав у 2010. році у роли Уснаві у музіклови „In the Heights“. Вестендувськым дебутом Корбіна стала європська премєра „Великого Ґетсбія“ у лондонському Колізейови у апрільови 2025. року; вун заграв у нюм Ніка Керревея и дустав за роль номінацію на премію Лоренса Олівє.
Референції
Вонкашні удкликованя Корбін Блу у Internet Movie Database (IMDb) Корбін Блу у Internet Broadway Database (IBDb)