AfrikaBurn („АфрікаБырн“) є офіційна реґіонална подія Burning Man, котра ся справляє у націоналному паркови Танква-Кару коло Кваґафонтейна (, „фонтан кваґы“) у Западнокапськуй провінції Южноафриканської республікы. Подія ся фокусує на уміньови, самовыражіню и комуніті: у напувпустыннум середовищу ся дочасно збират лаґровый варощик Танква Тавн (Tankwa Town), кладут ся тематичні лаґры, привозят ся декоровані „моторы-мутанты“ (артмоторы), артінсталації, подакотрі з котрых ся спалювут пуд конець.

Офіційно подія презентує себе містом „декомодизації“: на AfrikaBurn ся нич не продає, кроме леду, а учасникув закликавут не продавати и не чинити бартер, а дарити без чеканя дустати штось узамін, и закрывати лоґотипы брендув на свойих пожытках. Орґанізаторы выступавут против експлуатації AfrikaBurn інфлуенсерами вадь на тручаня продуктув. Наголошує ся, ож не мож чинити фото- вадь відеозйомку учасникув без їхнього явного и прямого согласу. У Танква Тавнови заказано ся возити моторами и моторками кроме зареєстрованых „мутантув“ и транспорта екстреных служб (позволяє ся ходити пішо вадь біціґльов), на літаня воздушным простором над подійов треба дозвул, а хоснованя дронув на території є домак заказаноє.

Як и на Burning Man, єдным из головных принципув AfrikaBurn є політика захарьованя за собов „MOOP“ () — вшыткого смітя. Учасникы мавут прихарьовати и забирати гет лепаву, ухосновану на мытя тіла вадь чебря воду („сіру воду“, ) вадь выпарововати ї спеціалными направами-„евапотронами“; харити останкы ціґаретликув включно из попілом, їдіня, блискоткы и другоє смітя, обы територія ся лишила у такому самому вадь ліпшому стані ги была до фестиваля.

Історія Afrika Burns Creative Projects быв закладеный у 2007. році ги неприбыткова компанія из цільов розвою и координації незалежного реґіоналного южноафриканського Burning Man. Закладателями были Паул Йорґенсен (котрый задумав AfrikaBurn по тому, як побывав на дакулькох Burning Man и спознав ся из його спувзакладательом Лерійом Гарвійом), Роберт Вейнек, Ліан Фіссер и Майк ’т Сас-Ролфес, Річард Бовсгер и Монік Шісс.About the organization. History AfricaBurn. 2021. Retrieved 17 May 2021. Назывка была пак поміняна на AfrikaBurn, обы не было неґативных конотацій из „горіньом Африкы“ и вмісто того быв „бырн у Африці“.

AfrikaBurn ся правив кажджоручно уд 2007 до 2019. року у приватнуй резервації Стовнгендж (Stonehenge) коло Танква-Кару. У 2019 неприбыткова компанія Mapula Trust подарила про AfrikaBurn дві фермы поблизь: Кваґафонтейн () и Фаалфонтейн () — теперь знамі пуд єднов назывков Кваґафонтейн, розміщені за 30 км на юговосток уд Стовнгенджа пуд горов Скоорстиенберґ ().

Перші три AfrikaBurn пруйшли у осени, а уд 2010. року дата події была посунута на конець апріля – зачаток мая, што позволило юй припадати на єден авадь два державні сята, а щи май уддалити ся у часі уд Burning Man — обы навщивителі не мусіли убирати межи америцькым и южноафриканськым фестивалями.

Кажджый AfrikaBurn має тему, котра ся не силує на учасникув, айбо годна служити вдухновліньом. РукДатыМістоТемаУчасникувСан Клан200722–25. новембраФерма СтовнгенджTribe~1,000200816–19. октовбраФерма СтовнгенджPower~1,20020099–13. септембраФерма СтовнгенджTime~1,600201022–27. апріляФерма СтовнгенджDream~2,200201127. апріля – 2. маяФерма СтовнгенджStof: the Primal Mud~4,000201225–30. апріляФерма СтовнгенджMirage~5,70020131–6. маяФерма СтовнгенджArchetypes~7,000201428. апріля – 4. маяФерма СтовнгенджThe Trickster~9,000201527 April - 3 MayФерма СтовнгенджThe Gift~9,800201625. апріля - 1. маяФерма СтовнгенджX~11,700201724–30. апріляФерма СтовнгенджPlay~13,000Baardskeerder201823–29. апріляФерма СтовнгенджWorking Title______________~11,000201929. апріля – 5. маяФерма СтовнгенджEphemeropolis~11,5002020Скасованый позад пандемії COVID-19. — 27 апріля – 3. маяФерма СтовнгенджСкасованый позад пандемії COVID-192021КваґафонтейнNo eventNo event due to lockdown202225. апріля – 1. маяКваґафонтейнThe Elastic Kraal-Art Burning Test~6,500202324–30. апріляКваґафонтейнSPACE~9500202430. апріля – 5. маяКваґафонтейнCREATION~10500202528. апріля – 4. маяКваґафонтейнOut Of The Blue10728202627. апріля – 3. маяКваґафонтейнPrism Исповнительным директором компанії є Лорейн Теннер; исповнительным директором операцій є Дейн Мерісон. Неисповнительными директорами сут: Саманта Бендзулла, Ян Бестер, Сідні Матебула, Кунраад Міддел, Нік Раубенгеймер, Мікаел ’т Сас-Ролфес.

Сан Клан

Аналоґічно ги на Burning Man є Man, головна скулптура AfrikaBurn ся кличе Сан Клан (San Clan). Она подабат на наскалні малюнкы санув (бушменув) и символізує ідею єдности тай комуніты. Як и часть другых скулптур на події, она ся палит. Май давно паліня скулптуры ся справляло у нуч суботы, айбо было перенесеноє на нуч пятниці. Ориґіналным Сан Кланом быв многоголовый игравучый дух авторства Ліан Фіссер.

Храм Частьов AfrikaBurn є храм (авадь темпыл, ) — місто роздумув и рефлексії, доступноє бігом події и тоже традиційно спальованоє пуд конець фестиваля.

Храмы на AfrikaBurn

2007 – [Без назвы] (Бред Баард и Петер Гейз) 2008 – [Не было храма] 2009 – „The Temporal“ (Монік Шісс и Бред Баард) 2010 – [Тот самый, што и у 2009] 2011 – „Храм пороху“/„The Temple of Dust“ (Адріаан Весселс) 2012 – „Милосердя“/„Solace“ (Сімон Бенністер и тім) 2013 – „Compression“ (Сімон Бенністер и тім) 2014 – „Пудношіня“/„The Offering“ (Сімон Бенністер и тім) 2015 – „Метаморфоза“/„Metamorphosis“ (Веріті Мод и тім) 2016 – „Пробуджіня“/„Awakening“ (Веріті Мод и тім) – „Храм Цхам“/„Temple of |Xam“ (Кім Ґудвін и The Dandylions) 2017 – „Храм вдячности“/„Temple of Gratitude“ (Валтер Бымер и тім) 2018 – „Оаза“/„Oasis“ (Анушка Кемпкен и тім) 2019 – „Храм звізд“/„Temple of Stars“ (Валтер Бымер и The Starlights) 2022 – „Пісня Ґаї“/„Gaia’s Song“ (Кармел Айвз) 2023 – „Transcendence“ (Кармел Айвз) 2024 – „LuminEssence“ (Кармел Айвз)

Референції