Ті́моті Де́від Сна́йдер (;  18. авґуста, 1969, Дейтон, Огайо, США) є америцькый історик, котрый ся спеціалізує на історії централної и восточної Европы, Совєтського союза тай Голокауста. Вун першый голова кафедры сучасної европської історії (пудпорованої ендавментом Фонда Темертія про украйиністику) у Ошколі ґлобалных удношінь и державної політикы Мунка при Торонтськум університеті. Уд 2017. по 2025. рук ун быв професором історії у Єлськум університеті при Річардови Левінови.

Вун навхтемашньый научный робутник Інститута наук за чоловіка у Відньови.Ian Kershaw and Timothy Snyder to be honoured with Leipzig Book Prize for European Understanding 2012 Leipzig.de, January 16, 2012 Снайдер робит у Комісії совісти Меморіалного музея Голокауста у США тай є членом Рады межинародных удношінь.

Снайдер — автор многых книг, у тум числі: „Крываві землі: Европа межи Гітлером и Сталіном“ (2010), „За тиранію: Двадцять урокув двадцятого стороча“ (2017), „Путь ид неслободі: Росія, Европа, Америка“ (2018) и „Наш бетег: Урокы слободы з болничного дньовника“ (2020). Подакотрі з його робут называвут бестселерами.

Ранньый жывут и школованя Тімоті Снайдер ся родив у 1969. році коло Дейтона, Огайо; вун — сын Крістін Гедлі Снайдер, учителькы, бухгалтеркы тай ґаздыні, и Естела Юджіна Снайдера, ветеринара. Снайдерова старшина ся побрала на квакерськуй церемонії у Огайови в 1963. році, його мати активно ся старала за всокочіня єї файтового ґаздувства ги квакерської історичної памняткы. Сперед тым, як зачати файту в передвароши Дейтона, они служили в Корпусі миру в Домінікані тай Салвадорі. Кой Тімоті ся учив у девятуй класі ошколы, ун ходив из нима на вакації у квакерську молочарську комуну в Коста Ріці. Ун каже, ож дуставав квакерськоє школованя.

Снайдер ходив до Кентервілської высшої школы у Кентервілови, Огайо. Ун дустав ступінь балакаря з історії и політолоґії в Бравновому університеті в 1991. році, а Мері Ґлак и Томас В. Сіммонс молодшый (котрый скоро по тому став консулом США у Польщи) пудговорили го заяти ся европськов історійов. Ун дустав докторську ступінь из сучасної історії у 1995 в Оксфордськум університеті, защитивши дисертацію за польського марксішту Казімєжа Келлеса-Кравца пуд керовництвом Тімотія Ґартона Еша тай Єжыя Єдліцького из Польської академії наук. Уд 1991. по 1994. рокы вун дуставав стипендію Маршалла у Бейліоловому коледжі в Оксфорді."Timothy Snyder Receives 2011 Ralph Waldo Emerson Award" , The Phi Beta Kappa Society, December 5, 2011

Роботы Тімоті Снайдер написав 16 книг и є спувредактором двох. Ун годен читати в десяти европськых языках и приказує пятьма. Снайдер наголошує, ож знаня другых языкув є критично важным у його сфері, кажучи: „Кідь не знає російськый, не знаєш даже, што пропущаєш“."Timothy Snyder, interviewed by 'Prospero' , The Economist (Books), June 2011

Ранні роботы

Крываві землі

Май пузні роботы

Никаня

Никаня на путінську Росію

Уд зачатку повномасштабної інвазії Росії в Украйині 2022. року тай по бомбардованю Російов енерґетичної інфраструктуры Украйины, Тімоті Снайдер много говорив и писав за суміжні темы: історію Украйины тай єї ґлобалну важность про демократію; згубні ґеополітичні наслідкы інвазії; потребу помочі у защиті украйинської території з боку другых держав и людий. Снайдер зазначовав, ож „тот факт, ож мы домак маєме демократії, доста необычный“; варовав, ож демократія значит, ож „челядь має правити, и вна має хотіти правити“, выступавучи против розраховованя на май великі історичні силы у реалізації демократії.

Снайдер вєдно запустив быв кравдфандінґову ініціативу, зобравши 1.25 міліона америцькых доларув на уліпшеня противовоздушної обороны Украйины у рамках свого амбасадорства про украйинську платформу UNITED24. Подля Тімотія Снайдера, єдиный спосуб завершити войну тото вбы путінська Росія „пруйгравши выйграла“: лиш кідь Украйина побідит у войні, диктатор зможе лишити свою посаду, а крайина зможе зачати демократичный процес, котрый пуйде на хосен и самуй Росії. Снайдер є у исписови з 200 америчанув, котрым заказано заходити на російську територію, санкції на нього наклав російськый уряд у новемброви 2022.

У 2015. році Снайдер исправив серію удкрытых лекцій по украйинськы у Кийові, Дніпрі тай Харькові. Лекції ся фокусовали на Снайдеровых історичных изглядованьох и сучаснуй політичнуй ситуації в Украйині.

У „Пути д неслободі“ Снайдер арґументує, ож російськый уряд Владіміра Путіна є авторитарный и хоснує фашістські ідеї у своюй реториці. У децембрі 2018. року бігом дискусії из другым істориком-изглядовачом восточної Европы, Джоном Коннеллійом, Снайдер назвав тото „шізофашізмом“:

Снайдер проводив паралелі межи раціоналізаціями територіалного розшыріня Адолфа Гітлера и Путіна. Снайдер передгадав російську інвазію до Крыму, уокремивши конкретні угрозы у свому op-ed матеріалі „Не дайте Путіну взяти Украйину“ (Don’t Let Putin Grab Ukraine), опублікованому 3. фебруара 2014. року. Снайдер писав, ож Путінова реторика подабат на Гітлерову мало не до плаґіата: и єден, и другый заявили, ож сосідня демократія є даяк тиранічна; обає апеловали д уявным нарушеням меншиновых прав и тым арґументовали інвазію; обадвоє заявляли, ож сосідньый народ посправді не екзістує и ож його держава не є леґітимна.

Французька історичка и соціоложка Марлен Ларвел коментовала: „На удлику уд [Снайдеровых] заяв, Кремель жыє в ідеолоґічнум світі, вдуховленум не Націштськов Німещинов, а в такому, де десятьроча Ялты, рокы Ґорбачова-Єльцина и розвал Совєтського союза дотеперь сут головными історичными референтами тай травмами.“

14. марця 2023. року Тімоті Снайдер выступав перед Радов безпекы Орґанізації споєных націй на стрічи, скликануй Російов на тему русофобії. Снайдер уповів, ож термін „русофобія“ ся хоснує Російов на управданя єї воєнных злочинув в Украйині. Вун заявив, ож хотьяка шкода росіянам ци російськуй културі ся стала головно позад політикы тай дій самої Москвы; позад них ся стала еміґрація росіян по інвазії, придусеня незалежных медій, напады на културні памняткы, масові убивства російськоязычных и російськых громадян. По тому, як представник Росії Васілій Нєбензя зазвідав за жерела, Снайдер ся удкликав на заявы Путіна, напрямлені на запереченя єствованя Украйины.

Никаня на Украйину Снайдер написав шість книг за Украйину. У 2022. році ун учинив доступнов шырокуй публіці серію свойих лекцій „The Making of Modern Ukraine“ у Єлському університеті за причины тай біг Російсько-украйинської войны, у тум числі на YouTube тай у формі подкаста, уєдно из планом курса и списом на читаня. Снайдер говорив и писав за войну в пресі и публікує історичні и коментарні матеріалы у онлайн розсылці „Thinking About…“

Убрані роботы

Nationalism, Marxism, and Modern Central Europe: A Biography of Kazimierz Kelles-Krauz. Harvard University Press, 1998. Wall Around the West: State Power and Immigration Controls in Europe and North America. Rowman and Littlefield, 2000. Co-edited with Peter Andreas. The Reconstruction of Nations: Poland, Ukraine, Lithuania, Belarus, 1569–1999. Yale University Press, 2003. Sketches from a Secret War: A Polish Artist's Mission to Liberate Soviet Ukraine. Yale University Press, 2005. The Red Prince: The Secret Lives of a Habsburg Archduke. Basic Books, 2008. Bloodlands: Europe Between Hitler and Stalin. New York: Basic Books, 2010. Thinking the Twentieth Century with Tony Judt. Penguin, 2012. Stalin and Europe: Imitation and Domination, 1928–1953. Oxford University Press, 2014. Co-edited with Ray Brandon. Black Earth: The Holocaust as History and Warning. Penguin, 2015. On Tyranny: Twenty Lessons from the Twentieth Century. Penguin, 2017. On Tyranny Graphic Edition: Twenty Lessons from the Twentieth Century. Ten Speed Press. The Road to Unfreedom: Russia, Europe, America. Penguin, 2018. Our Malady: Lessons in Liberty from a Hospital Diary. Penguin, 2020. On Freedom. Crown, 2024.

Референції

Катеґорія:Історіци Катеґорія:Америчане Катеґорія:Изглядачі історії Украйины Катеґорія:Изглядачі історії націзма Катеґорія:Изглядачі історії фашізм Катеґорія:Изглядачі історії восточної Европы