Ґо́тфрід Ві́лгелм Ла́йбніц (1. юлія 1646, Лайпціґ – 14. новембра 1716, Ганновер) быв німецькый полігістор, активный ги математик, філозоф, ученый и дипломат, котрому вєдно из сером Ісааком Нютоном приписувут вытвореня інфінітезмалної личбы и другых конарув математикы, такых ги арифметика тай статистика. Лайбніца называли „послідньый універзалным ґенійом“ позад його обшырных знань у многых сферах, што стало рідкостьов по його смерти позад Індустріалної револуції и пошыріня спеціалізації роботы. Лайбніц — важна перзоналія як у історії філозофії, так и історії математикы; ун писав праці на темы філозофії, теолоґії, етикы, політикы, права, історії, філолоґії, бавок, музикы и другых наук, а щи учинив читавый внесок у фізику и технолоґію тай побировав передвидіти понятя, котрі ся появили многым май пак у теорії віроятности, біолоґії, медіціні, ґеолоґії, псіхолоґії, лінґвістиці тай компютерных науках.
Лайбніц мав ай влив на бібліотечноє діло, бо вытворив у Бібліотеці Герцоґа Авґуста у Волфенбіттелі, Німещина, систему католоґізації, котра лягла у основу многых майвеликых европськых бібліотек.Palumbo, Margherita, 'Leibniz as Librarian', in Maria Rosa Antognazza (ed.), The Oxford Handbook of Leibniz, Oxford Handbooks (2018; online edn, Oxford Academic, 28 Jan. 2013), https://doi.org/10.1093/oxfordhb/9780199744725.013.008, accessed 25 Aug. 2024. Його розробкы у разных сферах рознесені по многых академічных журналах, десятках тысяч писем тай у неопублікованых рукописах. Лайбніц писав у дакулькох языках, головно у латинському, французькому и німецькому.Roughly 40%, 35% and 25%, respectively. www.gwlb.de. . Leibniz-Nachlass (i.e. Legacy of Leibniz), Gottfried Wilhelm Leibniz Bibliothek (one of the three Official Libraries of the German state Lower Saxony).
Як філозоф ун быв головным представительом раціоналізма тай ідеалізма 17. стороча. Ги математик, ун незалежно уд Нютона розробив діференціалну тай інтеґралну личбу. Extract of page 469. Йому ся приписує ай вытвореня сучасної системы бінарных (двойковых) чисел, котра є основов сучасных комунікацій и цифровых технолоґій, хоть за декады до нього тоту такой систему вывюг Томас Герріот. Лайбніц передвидів сферу комбінаторної тополоґії у 1679. році.
Референції
Катеґорія:Математіци