Вырава, Výrava — село в Словакии в окресѣ Меджилаборце, в историчном регионѣ Земплин.
Полога Лежить над потоком Вырава, недалеко () од польской границѣ, од окресного центра Меджилаборцѣ оддалена о на юговыход.
История Перва документална споминка датована роком 1557, в том часѣ Вырава мала лем 5 порт и належала Гуменскому панству. В року 1715 уже мала млин, а в року 1772 — мытницю и карантинну станицю. Обывателе жили зо земледѣлства, скотарства, ткацтва и рубаня лѣса. В року 1780 поставлена грекокатолицка церква св. Архангела Михаила. При списованю 1921 заевидовали 75 хыж, 382 обывательох, з того 327 Русины, 20 Евреи, 19 Чехы и Словаци, 16 чужинцѣ; подля вѣры: 341 грекокатолици, 24 израелиты, 17 римокатолици. В року 1950 заложили земледѣлске дружство, котре в року 1953 розпало ся, а в року 1957 было обновлене. В року 1965 поставили школу, торговый центер, медицинску амбуланту, в далшых роках село достало електрику и асфалтку. Часточно люде ходять за роботов до Меджилаборець, Гуменного и Кошиць. Іван Лукач
Военскый теметов При селѣ Вырава в марцу 1915 вела бои царска российска армада, жебы зломити оборону австро-мадярскых войск меджи Выравов и Светлицами. Велике число загиблых воякох обох сторон в року 1916 было перенесене на военскый теметов, котрый умѣстили под груньом Кудровець. Теметов мать 21 братскый гроб ай 14 индивидуалных. Векшина падлых лежать во трьох громадных братскых гробах в числѣ 2654 воякох.
Обывательство
Народностно-конфесийне зложѣня Подля списованя року 2001 Вырава мала 144 обывателе (75 жены, 69 мужѣ). + Народности и вѣровызнаня, 2001 Народность Частка % Конфесия Частка % Русины 50,00 Грекокатолици 49,31 Словаци 36,81 Православны 31,94 Ромы 6,94 Римокатолици 13,19 Украинцѣ 3,47 Без вызнаня 2,78 Мадяре 0,69 Не повѣли 2,08 Чехы 0,69
Вызнамны родаци Михаил Врабель (1886–1923), русинскый педагог, новинарь, фолклориста, выдаватель.
Жерела и одказы
Іван Лукач: Вирава – Výrava //
Референции