Iste articlo ye sobre un lugar aragonés d'o municipio d'a Fueva en Sobrarbe. Ta atros usos, se veiga Montero (desambigación).
Montero ye una pardina aragonesa d'o municipio d'a Fueva, en a comarca de Sobrarbe y provincia de Uesca. Actualment se troba despoblada. «Pueblos abandonados» en a pachina oficial d'o Concello d'a Fueva; consultada l'1 de noviembre de 2010.
Montero ye una sola casa chica, que s'acompanya de bella borda y un fornillón ta o pan. ACÍN FANLO, José Luis. Paisajes con memoria; Viaje a los pueblos deshabitados del Alto Aragón (7ª Ed.). Ed. PRAMES; Zaragoza, 2006. Se troba en a man que mira ta la val d'a Cinca de a sierra de Muro de Roda, debaixo de Muro de Roda en as garras d'o tozal que en l'altura i tiene a ixe lugar fortificau. A pardina se a puede trobar a man d'o camino que, en surtindo de l'aldeyeta de a Corona, marcha oblicuo en sentido sud-ueste por a baixant cara ta l'entibo de Mediano y remata en Arasanz. Chusto de frente de Montero, a poquez cientos de metros, s'alviran as enrunas d'o lugar de a Lecina.
En chunto con belaltras pardinas d'a redolada, y con os lugars de Menistirio, Arasanz, Muro de Roda y o Lumo de Muro, va fer parte d'o municipio de Muro de Roda dica a suya absorción en a Fueva en a decada de 1960. «Muro de Roda» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada l'1 de noviembre de 2010
Referencias
Categoría:Despoblaus d'a provincia de Uesca Categoría:Lugars afectaus por l'entibo de Mediano Categoría:Lugars d'a Fueva Categoría:Localidaz d'a diocesi de Balbastro-Monzón en Sobrarbe