Benjamin Harrison, naixito de North Bend (Ohio) o 20 d'agosto de 1833 y muerto en Indianapolis (Indiana) o 13 de marzo de 1901, estió un militar y politico estausunidense, que estió o 23º President d'os Estaus Unius, dende o 4 de marzo de 1889 dica o 4 de marzo de 1893. Mientres a Guerra Civil d'os Estaus Unius, Benjamin Harrison estió o chefe d'o 70º Rechimiento d'Infanteria de Voluntarios y d'a 1ª Brigada d'a 1ª División d'o XXI Cuerpo d'Exercito de l'Exercito d'o Cumberland, en as filas de l'Exercito federal, que albandonó en rematar a guerra con o rango de Brigadier cheneral.
Licenciato en Dreito por a Universidat d'Indiana, treballó como avogau en Indianapolis, y en 1862, en prencipiar a Guerra Civil d'os Estaus Unius, s'alistó como voluntario en l'Exercito d'os Estaus Unius.
En rematar a guerra, prencipió a suya carrera politica, estando senador por Indiana en o Senau d'os Estaus Unius en 1880 por o Partiu Republicano, luego d'estar redotato en as eleccions a Gobernador d'o estato en 1876. En 1888 redotó a Grover Cleveland en as eleccions ta President d'os Estaus Unius. En a suya presidencia o país continó con una linia d'expansionismo ta l'exterior, en Hawaii, Samoa u en a mar Caribe. Sindembargo, fue redotato en as eleccions presidencials de 1892 por Grover Cleveland, y se retiró d'a vida politica, estando dimpués profesor d'a Universidat de Sant Francisco.
Vinclos externos
Categoría:Presidents d'Estaus Unius Categoría:Militars d'Estaus Unius de l'Exercito federal en a Guerra Civil Estausunidense Categoría:Naixius d'Ohio Categoría:1833 (naixencias) Categoría:1901 (muertes)