Iste articlo ye sobre una ciudat brasilera d'o estato de São Paulo. Ta atros usos se veiga São Paulo (desambigación).
São Paulo ye una ciudat brasilera, capital d'o Estau de São Paulo, y uno d'os principals centros economicos de Brasil y d'America d'o Sud.
A suya población ye de 10.886.518 habitants (2007) en una superficie de 1.523 km², con una densidat de población de 7.148,07 hab/km². Ye a ciudat con mayor numero d'habitants d'o suyo país y a suya aria metropolitana ye a mayor de Brasil y una d'as mayors d'o mundo. D'ista aria metropolitana fan parte as ciudaz de Campinas y Santos; ámás, as amanatas ciudaz de Jundiaí, Sorocaba y São José dos Campos son convertindo-se actualment tamién en parte de l'aria metropoliana de São Paulo.
Antiparte, São Paulo ye o principal centro d'as finanzas y d'a industria d'o Brasil, dende a suya fundación por a Companyía de Chesús en 1554 dica hue, estando muit vinculada a la historia de Brasil. Una d'as carreras mes importants y conoixitas ye a Avenida Paulista.
Historia A historia de São Paulo, una d'as mas antigas y d'as principals ciudaz d'o Brasil, ye muit vinculada a la historia d'o propio país, dende a suya fundación por a Companyía de Chesús en 1554. 250px|thumb|center|Fundación de São Paulo, en un cuadro d'o pintor Antônio Parreiras.
São Paulo en o periodo colonial 250px|thumb|Molimento a os bandeirantes, en o Parque Ibirapuera. right|thumb|250px|O monesterio de Sant Benedet, en São Paulo.
L'orichen de São Paulo de Piratininga estió o 25 de chinero de 1554, cuan os chesuitas Manuel da Nóbrega y José de Anchieta bi fundoron un colechio ta catequizar y evanchelizar a la población indichena d'a redolada, clamato São Paulo porque o 25 de chinero ye a festividat de Sant Pavlo. O colechio yera nomás una chicota barraca dica que en 1560 o Gubernador colonial portugués Mem de Sá bi ninvió bellos pobladors procedents d'a localidat de Santo André da Borda do Campo, que quedó albandonata.
En os dos sieglos posteriors, a ciudat yera nomás una chicota localidat aislata d'o resto d'a colonia portuguesa, y por ixo a localidat estió o lugar de naixencia d'os clamatos bandeirantes, que dentraron ta l'interior d'o país ta buscar esclavos, oro y diamants. Cuan os bandeirantes troboron oro en a rechión de Minas Gerais, o estato portugués prenió a decisión de nombrar a São Paulo ciudat en 1711. Cuan o filón de l'oro se remató, l'actividat economica d'a rechión tornó ta o sucre, con São Paulo fendo o papel de centro encaminador d'as mercaderías ta o puerto atlantico de Santos y ta Lisbona y Portugal.
En 1828 se bi establioron estudios de Dreito, cosa que permitió o creiximiento d'a ciudat, chunto con un nuevo recurso economico: o café. São Paulo recibió asinas importants continchents d'immigración forana, a ormino d'orichen italiano, encara que tamién d'atros lugars, naixendo asinas as primeras industrias en a ciudat.
En o periodo imperial En os primers intes de l'Imperio de Brasil, São Paulo yera considerata como una chicota ciudat provinciana, en mantenindo as suyas caracteristicas d'o periodo colonial, encara que estió en a ciudat de São Paulo a on o rechent Pero I de Brasil proclamó a independencia de Brasil. Sindembargo, a ciudat ganó importancia cuan se bi instaloron os propietarios d'as plantacions cafetaleras, atraítos por a facilidat de connexions con l'exterior a traviés d'o ferrocarril construito en a segunda mitad d'o sieglo XIX que conectaba a ciudat con o puerto de Santos. Ixo estió un factor de gran importancia, porque yeran personas con muita influencia politica.
Cheografía dreita|miniaturadeimagen|250x250px|A Universitat de São Paulo
A localidat de São Paulo ye situata a 760 metros d'altaria sobre o ran d'a mar, y ye trescruzata por os ríos Tietê y Pinheiros.
Climatolochía O clima de São Paulo ye un clima subtropical, con una temperatura meya anyal de 19 °C. O mes mas caloroso ye o mes de chinero, con temperatura meya de 22 °C, y o mes mas frido ye chulio, con una temperatura meya de 16 °C. Asinas, São Paulo ye a tercera capital estatal mas frida d'o país, dimpués de Curitiba y Porto Alegre.
Esporte En São Paolo como parti de Brasil o fútbol ye l'esporte mes conoixito, popular y practicato, os clubs de fútbol mas importants de Sao Paolo por orden de popularidat estan o Corinthians, o São Paulo y o Palmeiras.
Escaicimientos esportivos Os escaicimientos esportivos mes populars d'a ciudat son a cursa de Sant Silvestre de São Paulo (Corrida de São Silvestre) disputada cada anyo tradicionalment dende 1925 a nueit de cabo d'anyo, estando a mes famosa d'as cursas de Sant Silvestre d'o mundo y o GP de São Paulo de Formula 1, d'antis GP de Brasil, que se fa en o circuito de Interlagos situado en o barrio de Interlagos, en São Paulo que ye an zaguerament se fa o GP de Brasil de Formula 1.
Atros escaicimientos importants fuoron, estar seu d'a Copa Mundial de Fútbol de Brasil 1950, a IV edición d'os Chuegos Panamericans que estioron organizatos en l'anyo 1963 y os Chuegos Sudamericans de 2002.
Instalacions esportivas D'entre as instalacions esportivas destacan os grans estadios de fútbol d'os grans equipos d'a ciudat, o Estadio Morumbi d'o São Paulo, o Neo Química Arena d'o Corinthians y el Estadio Palestra Itália d'o Palmeiras, amás d'o Estadio Municipal Pacaembú toz con una capacidat superior a los 35.000 espectadors.
Unatra instalación destacable ye o Circuito de Interlagos an se realizan competicions d'esportes de motor.
Localidaz achirmanatas 1962: 20px Milán (Italia). 1981: 20px Abidjan (Costa de Boire). 1985: 20px Barcelona (Catalunya). 1985: 20px Osaka (Chapón). 1988: 20px Miami (Estaus Unius). 1988: 20px Xangai (Republica Popular de China). 1990: 20px San Cristóbal de la Laguna (Canarias). 1993: 20px Luanda (Angola). 1994: 20px Presidente Franco (Paraguai). 1995: 20px Rio de Janeiro (Brasil). 1995: 20px Amán (Chordania). 1995: 20px Lisboa (Portugal). 1996: 20px Leiria (Portugal). 1997: 20px L'Abana (Cuba). 1997: 20px Seúl (Corea d'o Sud). 1998: 20px Ciudad de Mendoza (Archentina). 1998: 20px Funchal (Portugal). 1998: 20px Asunción (Paraguai). 1998: 20px La Plata (Archentina). 1998: 20px Naha (Chapón). 1998: 20px Santiago de Chile (Chile). 1999: 20px Nueva York (Estaus Unius). 1999: 20px Buenos Aires (Archentina). 1999: 20px Domás (Siria). 1999: 20px Toronto (Canadá). 1999: 20px Erevan (Armenia). 1999: 20px Macao (Republica Popular de China). 1999: 20px Beijing (Republica Popular de China). 2000: 20px Caracas (Venezuela). 2000: 20px Santiago de Compostela (Galicia). 2000: 20px Bamako (Mali). 2000: 20px Budapest (Hongría). 2000: 20px Cluj-Napoca (Rumanía). 2000: 20px Góis (Portugal). 2000: 20px Caracas (Venezuela). 2001: 20px Cordoba (Andalucía). 2001: 20px Montevideo (Uruguai). 2002: 20px Lima (Perú). 2004: 20px Tel Aviv (Israel). 2007: 20px Fernando de la Mora (Paraguai). 2008: 20px Tunja (Colombia).
Vinclos externos
Pachina web oficial municipal.
*